പന്തളം . ലക്ഷങ്ങൾ മുടക്കി പന്തളം നഗരസഭയിൽ നിന്ന് ലേലം വിളിച്ചെടുത്ത തേക്കുംതടി നഗരസഭക്കുമുന്നില്‍ തന്നെ ഉപേക്ഷിച്ചു കരാറുകാരൻ. തേക്കും തടി പൊള്ളയായതിനാൽ ലേലതുക തിരികെ വേണമെന്നും ആവശ്യം.
പുറമെ നല്ല കാതലുള്ള തേക്കിൻ തടി. അതുകൊണ്ട് തന്നെയാണ് 2.70 ലക്ഷം രൂപ ലേലത്തുക കെട്ടിവെച്ച്‌ അടൂര്‍ തുവയൂര്‍ സ്വദേശി രാജു ഈ തടി സ്വന്തമാക്കാൻ തീരുമാനിച്ചത്. എന്നാൽ മരം മുറിച്ചതോടെ പ്രതീക്ഷകൾ എല്ലാം അസ്തമിച്ചു. എന്നാൽ തടിയുടെ ഉള്‍ഭാഗം മുഴുവൻ പൊള്ളയായിരുന്നു .
നഗരസഭ കെട്ടിടത്തിന് വേരിറങ്ങി ബലക്ഷയം ഉണ്ടെന്ന് കണ്ടതിനെത്തുടര്‍ന്നാണ് തേക്കുമരം ലേലത്തിന് വെച്ചത്.
17000 രൂപ മരം മുറിക്കുന്നതിനും ചെലവായി. കെട്ടിവെച്ച ലേലത്തുകയും ചെലവായ തുകയും തിരികെനല്‍കണമെന്ന് ആവശ്യപ്പെട്ട് നഗരസഭ സെക്രട്ടറിക്ക് പരാതി നൽകിയിട്ടുണ്ട്.
