ജ്യോതിഷത്തിൽ രാഹുകേതുക്കളുടെ അപഹാരം ദുരിതദുഖങ്ങള്‍ക്ക് കാരണമാകുമെന്നാണ് പ്രമാണം. പാപഗ്രഹമെന്നും മായാവി ഗ്രഹമെന്നും പറയുന്ന രാഹുവിന്റെ ചലനം മനസ്സിലാക്കാൻ വളരെ ബുദ്ധിമുട്ടാണ്. സാധാരണ ജീവിതത്തിൽ സംഭവിക്കുന്ന ദുരിത സംഭവങ്ങളിൽ പലതും രാഹുവുമായി നേരിട്ട് ബന്ധപ്പെട്ടിരിക്കുന്നു. ജ്യോതിഷ പ്രകാരം പിടികിട്ടാത്ത ഗ്രഹമായ രാഹു 2022 ഏപ്രിൽ 12 ന് അതിന്റെ ചലനം മാറ്റും. അതായത് രാഹു ഇടവം രാശിയിൽ നിന്നും മേടത്തിലേക്ക് പ്രവേശിക്കും. 18 വർഷത്തിനു ശേഷം രാഹു മേട രാശിയിലേക്കു വരുമ്പോള്‍ ശ്രദ്ധിക്കേണ്ടതാണ്. രാഹുവിന്റെ ഈ സംക്രമണം 3 രാശികളിൽ പെട്ടവർക്ക് പ്രശ്നങ്ങൾ ഉണ്ടാക്കുമെന്ന് ജ്യോതിഷികള്‍ പറയുന്നു.
മേടം (Aries)
ഈ രാശിയിൽ ചൊവ്വയുടെ സ്വാധീനമുണ്ട്. ജ്യോതിഷത്തിൽ ചൊവ്വയെ ഗ്രഹങ്ങളുടെ അധിപൻ എന്നാണ് പറയപ്പെടുന്നത്. മേടരാശിയിൽ രാഹു പ്രവേശിക്കുന്നത് ചില സന്ദർഭങ്ങളിൽ പ്രതികൂല ഫലങ്ങൾ നൽകും. രാഹു സംക്രമകാലത്ത് കോപം ഒഴിവാക്കേണ്ടിവരും. സാമ്പത്തിക നഷ്ടം ഉണ്ടാകാം. ശിവഭജനം മുടക്കരുത്.
തുലാം (Libra)
തുലാം രാശിക്കാർ രാഹു സംക്രമ സമയത്ത് പ്രത്യേകം ശ്രദ്ധിക്കണം. ജ്യോതിഷ പ്രകാരം ഈ സമയത്ത് കേതു ഈ രാശിയിൽ ഉണ്ട്. ഇതോടൊപ്പം രാഹുവും അവിടെ എത്താൻ പോകുന്നു. ജീവിതത്തിൽ പെട്ടെന്നുള്ള പ്രശ്നങ്ങൾ ഉണ്ടായേക്കാം. ലക്ഷ്യം നേടുന്നതിലും ബുദ്ധിമുട്ടുകൾ നേരിടേണ്ടി വന്നേക്കാം. ആരോഗ്യകാര്യത്തിൽ പ്രത്യേകം ശ്രദ്ധിക്കണം. ഈശ്വരചിന്തയാലാണ് ഇക്കാലം കടന്നുപോകേണ്ടത്.ഏതു കാര്യത്തിനും ഈശ്വരനെ മുന്‍നിര്‍ത്തി ഇറങ്ങുക.
മകരം (Capricorn)
മകരം രാശിക്കാരുടെ ജീവിതത്തിലും രാഹു പ്രശ്നങ്ങൾ സൃഷ്ടിക്കും. തൊഴിൽ ജോലികളിൽ തടസ്സങ്ങൾ ഉണ്ടാക്കാം. ബന്ധം വഷളായേക്കാം. ഒപ്പം സംസാരത്തിലും അപാകതയുണ്ടാകാം. സംക്രമ വേളയിൽ കോപം ഒഴിവാക്കേണ്ടിവരും.ഏതു പ്രവര്‍ത്തിയിലും രണ്ടാമത് ഒരു ചിന്തവേണം. ഉദ്യോഗസ്‌ഥർക്ക് ജോലിസ്ഥലത്ത് പ്രശ്‌നമുണ്ടാകാം. അനാവശ്യമായ ഭയം മനസ്സിൽ നിലനിൽക്കും. പണം ലാഭിക്കുന്നത് നന്നായിരിക്കും. അതായത് സൂക്ഷിച്ച് ചിലവിടണം. ശിവഭജനം ഗുണം ചെയ്യും.
