കൊച്ചി: മാട്രിമോണിയൽ സൈറ്റ് വഴി പരിചയപ്പെട്ട യുവതിയെ പീഡിപ്പിച്ച്‌ ദൃശ്യങ്ങൾ പ്രചരിപ്പിച്ചയാളെ റിമാൻഡ് ചെയ്തു.
സംഭവവുമായി ബന്ധപ്പെട്ട് പാലക്കാട് മലമ്പുഴ സ്വദേശി ബംഗളൂരു നമ്പർ 10 ഗ്രാൻഡ് വില്ലേജ് രാമകൃഷ്ണപുര ഗേറ്റ് അശ്വിൻ സിത്താര അപ്പാർട്ടമെൻറിൽ താമസിക്കുന്ന ദിലീപിനെ (38)യാണ് എറണാകുളം നോർത്ത് പോലീസ് ഇൻസ്‌പെക്ടർ ഇ.ആർ. ബൈജുവിൻറെ നേതൃത്വത്തിലുള്ള പോലീസ് സംഘം ബംഗളൂരുവിൽനിന്ന് അറസ്റ്റ് ചെയ്തത്.
കാനഡയിൽ താമസിക്കുന്ന യുവതിയുടെ അച്ഛൻ ആലപ്പുഴ പോലീസ് സ്‌റ്റേഷനിൽ നൽകിയ പരാതിയിലാണ് അറസ്റ്റ്. 2021 ജനുവരിയിലായിരുന്നു കേസിന് ആസ്പദമായ സംഭവം നടന്നത്. സൈറ്റ് വഴി പരിചയപ്പെട്ട ഇരുവരും ചാറ്റിംഗിലൂടെ അടുത്തു. വിവാഹമോചന നടപടികൾ നടന്നു വരുന്ന യുവതിയെ ഇയാൾ തൻറെ പിറന്നാൾ ആഘോഷിക്കാനായി കൊച്ചിയിലെ സ്വകാര്യ ഹോട്ടലിലേക്ക് ക്ഷണിക്കുകയായിരുന്നു. ഇവിടെ വച്ചാണ് പീഡിപ്പിച്ചത്. ഈ ദൃശ്യങ്ങൾ ദിലീപ് മൊബൈലിൽ പകർത്തുകയും അവ ഇന്റർനെറ്റ് വഴി പ്രചരിപ്പിക്കുകയുമായിരുന്നു. .
