കൊച്ചി. ഫോർട്ട്‌ കൊച്ചി ബീച്ചിൽ കാണാതായ യുവാവിന്റെ മൃതദേഹം കണ്ടെത്തി. കൊല്ലം കൊട്ടാരക്കര കുളക്കട സ്വദേശി അമൽ നാഥാണ് മരിച്ചത്. കഴിഞ്ഞ ശനിയാഴ്ച വൈകുന്നേരം കൂട്ടുകാരോടൊപ്പം കടലിൽ കുളിക്കാൻ ഇറങ്ങിയ അമൽ നെ തിരയിൽപെട്ട് കാണാതാവുകയായിരുന്നു.
ഫോർട്ട്‌ കൊച്ചിയിലെ സ്വകാര്യ സ്ഥാപനത്തിൽ ജോലി ചെയ്യുന്ന അമൽ കൂട്ടുകാർക്കൊപ്പമാണ് ഫോർട്ട്‌ കൊച്ചിയിലെ ബീച്ചിൽ എത്തിയത്. കടലിൽ കുളിക്കുന്നതിനിടെ തിരയിൽപെട്ട് കാണാതാവുകയായിരുന്നു. മത്സ്യ തൊഴിലാളികളും കോസ്റ്റുകാർഡും ചേർന്ന് തിരച്ചിൽ നടത്തി ഫലമുണ്ടായില്ല. തുടർന്ന് നേവിയും തിരച്ചിലിനെത്തി.
മൃതദേഹം കണ്ടെത്താനാകാത്തതിനെ തുടർന്ന് തിരച്ചിൽ അവസാനിപ്പിച്ചു. ഇന്ന് രാവിലെയാണ് ഞാറക്കൽ പടിഞ്ഞാറ് കടപ്പുറത്ത് നിന്ന് മൃതദേഹം കണ്ടെത്തിയത്. തുടർന്ന് ബന്ധുക്കൾ എത്തി മൃതദേഹം തിരിച്ചറിഞ്ഞു. തുടർന്ന് സ്വദേശമായ കൊട്ടാരക്കരയിലേക്ക് കൊണ്ടുപോയി.
Picture courtesy. Voice of punalur,fb
