Advertisement
ശൂരനാട്: പോലീസിന്റെ വാഹന പരിശോധനയ്ക്കിടെ കരുനാഗപ്പള്ളിയിൽ നിന്നും മോഷ്ടിച്ച
സ്കൂട്ടറുമായെത്തിയ യുവാവ് പിടിയിൽ.ശൂരനാട് തെക്ക് തൃക്കുന്നപ്പുഴ വടക്ക് കാട്ടൂർ വടക്കതിൽ കൊച്ചു വിഷ്ണു എന്ന് വിളിക്കുന്ന വിഷ്ണു(28) ആണ് പിടിയിലായത്.
കെ.സി.ടി മുക്കിൽ ശൂരനാട് പോലീസിന്റെ നേതൃത്വത്തിൽ വാഹന പരിശോധന നടക്കുന്നതിനിടയിലാണ് കരുനാഗപ്പള്ളി ചന്തയിൽ നിന്നും മോഷ്ടിച്ച KL 23 M 1599 എന്ന നമ്പറിലുള്ള ബൈക്കുമായി വിഷ്ണു പിടിയിലായത്.ശൂരനാട് സ്റ്റേഷൻ പരിധിയിൽ ഈ മാസം 11ന് KL 25D 9474 എന്ന നമ്പരിലുള്ള സ്കൂട്ടറും മൊബൈൽ ഫോണും കവർന്നത് ഉൾപ്പെടെ നിരവധി കേസുകളിലെ പ്രതിയാണ് ഇയ്യാളെന്ന് എസ്.എച്ച്.ഒ ജോസഫ് ലിയോൺ പറഞ്ഞു.കോടതിയിൽ ഹാജരാക്കി റിമാന്റ് ചെയ്തു
Advertisement
