ചവറ: കയർ ഭൂവസ്ത്രവിതാനത്തിൽ ചവറ ബ്ലോക്കിലെ മികച്ച ഗ്രാമപഞ്ചായത്തായി തേവലക്കര.ഇത്തരം പദ്ധതികൾ വ്യാപിപ്പിക്കുന്നതിലൂടെ കയർമേഖലക്ക് ഉണർവും കയർ ഉൽപന്നങ്ങൾക്ക് വിപണിമൂല്യവും ലഭിക്കുമെന്ന് ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശ്ശേരി പറഞ്ഞു.
തേവലക്കര ഗ്രാമപഞ്ചായത്തിലെ വിവിധ വാർഡുകളിൽ 294 തൊഴിൽ ദിനങ്ങളിലായി 38 തൊഴിലുറപ്പ് തൊഴിലാളികൾ ചേർന്നാണ് കുളങ്ങൾ നിർമിച്ച് കയർ ഭൂവസ്ത്രം വിരിച്ചത്.
കയർ വികസന വകുപ്പിന്റെ നേതൃത്വത്തിലാണ് കയർ ഭൂവസ്ത്രവിതാന പദ്ധതികളുടെ ബ്ലോക്കുതല പ്രവർത്തനങ്ങൾ നടപ്പാക്കാനുള്ള മാർഗനിർദേശങ്ങളുമായി സെമിനാർ സംഘടിപ്പിച്ചത്. ബ്ലോക്ക്-ഗ്രാമപഞ്ചായത്ത് അംഗങ്ങൾ പങ്കെടുത്തു.
