കടയ്ക്കൽ. പോലീസ് സ്റ്റേഷൻ പരിധിയിലെ വിവിധ സ്ഥലങ്ങളിൽ ബൈക്കിൽ കറങ്ങി നടന്ന് മാലപൊട്ടിക്കുന്ന സം ഘത്തിലെ രണ്ടുപേർ അറസ്റ്റിൽ. കടയ്ക്കൽ സ്റ്റേഡിയത്തിൽ സമീപം വച്ചും ആനപ്പാറ സമീപം വെച്ചും വഴിയാത്രക്കാരായ സ്ത്രീകളെ മോട്ടോർസൈക്കിളിൽ പിന്തുടർന്ന് മാല പൊട്ടിക്കുന്ന സംഘത്തിലെ പ്രതികളായ പാങ്ങോട് വില്ലേജിൽ ഭരതന്നൂർ ലെനിൻകുന്നു എന്ന സ്ഥലത്ത് ഷീജ ഭവനം വീട്ടിൽ ഷിബിൻ( 32), കുളത്തുപ്പുഴ വില്ലേജിൽ ചോഴിയക്കോട് അഭയ് വിലാസം വീട്ടിൽ വിഷ്ണു( 30) എന്നിവരെയാണ് പിടികൂടിയത്.
കൊല്ലം റൂറൽ ജില്ലാ പോലീസ് മേധാവി എംഎല്‍ സുനിലിന്‍റെ നിർദ്ദേശാനുസരണം കൊട്ടാരക്കര ഡിവൈഎസ്പി ജിഡി വിജയകുമാറിന്റെ മേൽനോട്ടത്തിൽ എസ്എച്ച്ഒ രാജേഷ്, സബ് ഇന്‍സ്പെക്ടര്‍മാരായ എം മോണിഷ് ജഹാംഗിര്‍, എഎസ്ഐ മാരായ ഹരികുമാർ,ഉണ്ണികൃഷ്ണൻ, ബിനിൽ, സിപിഒ മാരായ അഭിലാഷ്, അഞ്ചൽ പോലീസ് സ്റ്റേഷൻ സിപിഒ ദീപു എന്നിവരുടെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. ഇവർക്കെതിരെ കൊല്ലം ,തിരുവനന്തപുരം ജില്ലകളിൽ നിരവധി പോലീസ് സ്റ്റേഷനിൽ കേസുകൾ നിലവിലുണ്ട്.
