ശൂരനാട്: പോരുവഴി വടക്കേമുറിയിൽ
സൈക്കിൾ റിപ്പയർ ചെയ്യുന്നതിനായി എത്തിയ പതിനൊന്ന് വയസുകാരിയായ വിദ്യാർത്ഥിനിയെ പീഡിപ്പിക്കാൻ ശ്രമിച്ച കേസ്സിൽ 58 കാരൻ പോക്സോ വകുപ്പ് പ്രകാരം
അറസ്റ്റിൽ.പോരുവഴി വടക്കേമുറി പരവട്ടം ഇടശ്ശേരിൽ പുത്തൻ വീട്ടിൽ തോമസ് ആണ് അറസ്റ്റിലായത്.കോടതിയിൽ ഹാജരാക്കി റിമാന്റ് ചെയ്തു.
ഇന്നു രാവിലെയാണ് സംഭവം.നവോദയ ക്ലാസ് കഴിഞ്ഞ് മടങ്ങുകയായിരുന്നു പെൺകുട്ടി സൈക്കിൾ നന്നാക്കുന്നതിനായി പ്രതിയുടെ വീട്ടിലെത്തിയപ്പോഴായിരുന്നു അതിക്രമം.കടന്നു പിടിച്ച് പീഡിപ്പിക്കാൻ ശ്രമിച്ചപ്പോൾ കുതറിയോടിയ കുട്ടിയെ വീട്ടിനുള്ളിലേക്ക് കൊണ്ടുപോകാനും ശ്രമിച്ചു.രക്ഷപ്പെടുന്നതിനിടയിൽ നിലത്ത് വീണ് കുട്ടിയുടെ കാലിന് പരിക്കേറ്റു.
ശൂരനാട് എസ്.എച്ച്.ഒ ജോസഫ് ലിയോൺ,എസ്.ഐമാരായ രാജൻ ബാബു,കൊച്ചുകോശി എന്നിവരടങ്ങിയ പോലീസ് സംഘമാണ് പ്രതിയെ പിടികൂടിയത്.പ്രായ പൂർത്തിയാകാത്ത പെൺകുട്ടിയോട്
ഫോണിലൂടെ അശ്ലീച്ചുവയിൽ സംസാരിക്കുകയും ലൈംഗിക ബന്ധത്തിന് നിർബന്ധിക്കുകയും ചെയ്ത പോരുവഴി പള്ളിമുറി ഇട്ടുകെട്ടുംവിള പടിഞ്ഞാറ്റതിൽ സജാദ്(22)നെ ശനിയാഴ്ച പോലീസ് അറസ്റ്റ് ചെയ്തിരുന്നു.
