Advertisement
ശാസ്താംകോട്ട. മതിലില്‍ നാടോടികളുടെ മാര്‍ക്കിംങ്, ഭയാശങ്കയില്‍ നാടിളകി. വേങ്ങ ആദിക്കാട്ടുമുക്കിന് സമീപം പ്രധാന പാതയോരത്തെ വീടിന്റെ മതിലിലാണ് ഉച്ചക്ക് ഒരു സംഘം നാടോടികള്‍ ചോക്കുകൊണ്ട് എഴുതിയത്. സ്ത്രീകള്‍ ഉള്‍പ്പെട്ട സംഘം എഴുതിയതിന് സമീപം പിന്നാലെ എത്തിയ സംഘം നില്‍ക്കുകയും ഫോണ്‍ ചെയ്യുകയും ചെയ്യുന്നത് കണ്ടതോടെ സംശയമായി.
ആളുകള്‍ സംഘടിച്ചതോടെ ഒരാള്‍ പെട്ടെന്ന് മുങ്ങി.ബാക്കിയുള്ളവരെ തടഞ്ഞുവച്ച് നാട്ടുകാര്‍ പൊലീസിനെ വിളിച്ചു. പൊലീസ് എത്തി ഒരാളെ വാഹനത്തില്‍ കയറ്റിയെങ്കിലും മറ്റുള്ളവര്‍ സ്ത്രീകളും കുട്ടികളുമായി ബഹളമായി, പൊലീസ് എല്ലാവരും സ്റ്റേഷനിലെത്താന്‍ നിര്‍ദ്ദേശിച്ച് ഒരാളുമായി മടങ്ങി. പ്രദേശത്ത് ഏറെനേരം ആശങ്കയായിരുന്നു.
Advertisement
