കൊല്ലം. പ്രായപൂര്‍ത്തിയാകാത്ത പെണ്‍കുട്ടിയുടെ നഗ്നചിത്രങ്ങല്‍ പ്രചരിപ്പിച്ചയാള്‍ പോലീസ് പിടിയില്‍. പളളിത്തോട്ടം ഗലീലിയോ നഗര്‍-16 ല്‍ എബിന്‍ പോള്‍(22) ആണ് പള്ളിത്തോട്ടം പോലീസിന്റെ പിടിയിലായത്. വിദേശത്തായിരിക്കെ പ്രതി പെണ്‍കുട്ടിയുമായി പ്രണയത്തിലാവുകയും പെണ്‍കുട്ടിയുടെ നഗ്നചിത്രങ്ങള്‍ കൈക്കലാക്കി പ്രചരിപ്പിക്കുകയായിരുന്നു.
തുടര്‍ന്ന് പെണ്‍കുട്ടി നല്‍കിയ പരാതിയുടെ അടിസ്ഥാനത്തില്‍ പള്ളിത്തോട്ടം പോലീസ് കേസ് രജിസ്റ്റര്‍ ചെയ്തു പ്രതിക്കെതിരെ ലുക്കൗട്ട് നോട്ടിസ് പുറപ്പെടുവിച്ചിരുന്നു. വിവരമറിഞ്ഞ് ഒളിവില്‍ പോയ പ്രതി രണ്ട് വര്‍ഷങ്ങള്‍ക്ക് ശേഷം നാട്ടിലെത്തിയതോടെ അറസ്റ്റ് ചെയ്യുകയായിരുന്നു. പള്ളിത്തോട്ടം പോലീസ് സ്റ്റേഷന്‍ ഇന്‍സ്‌പെക്ടര്‍ ഫയാസിന്റെ നേതൃത്വത്തില്‍ എസ്.ഐ മാരായ സ്റ്റെപ്‌റ്റോ ജോണ്‍, ഹിലാരിയോസ്, ജോസ്, സിപിഒ ആദര്‍ശ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
