കൊല്ലം.സുദീര്‍ഘവും സ്തുത്യര്‍ഹവുമായ സേവനത്തിന് ശേഷം 31 ന് കേരള പോലീസില്‍ നിന്നും പടിയിറങ്ങുന്ന ക്രൈം ബ്രാഞ്ച് സബ് ഇന്‍സ്പെക്ടര്‍ പത്മരാജന്‍ പിള്ള കെ, കൊല്ലം സിറ്റി ട്രാഫിക് എന്‍ഫോഴ്സ്മെന്‍റ് എസ്.ഐ ജോബ് അനില്‍, കിളികൊല്ലൂര്‍ എസ്.ഐ ജാനസ് പി ബേബി, കൊല്ലം സ്റ്റേറ്റ് സ്പെഷ്യല്‍ ബ്രാഞ്ച് എസ്.ഐ ഒ.സൈനുദ്ദീന്‍ എന്നിവര്‍ക്ക് കേരളാ പോലീസ് ഓഫീസേഴ്സ് അസോസിയേഷന്‍റെയും കേരളാ പോലീസ് അസോസിയേഷന്‍റെയും കൊല്ലം സിറ്റി ജില്ലാ കമ്മിറ്റികളുടെ സംയുക്ത ആഭിമുഖ്യത്തില്‍ യാത്രയയപ്പും ആദരവും നല്കി.
കേരളാ പോലീസ് അസോസിയേഷന്‍ ജില്ലാ കമ്മിറ്റി പ്രസിഡന്‍റ് എല്‍ വിജയന്‍റെ അദ്ധ്യക്ഷതയില്‍ പോലീസ് ക്ലബില്‍ വച്ച് നടന്ന യോഗം സിറ്റി പോലീസ് കമ്മീഷണര്‍ മെറിന്‍ ജോസഫ് ഐ.പി.എസ് ഉദ്ഘാടനം ചെയ്തു. പോലീസ് ഉദ്യോഗസ്ഥര്‍ക്ക് മൊമെന്‍റോയും പൊന്നാടയും നല്കി ആദരിച്ചു. യോഗത്തില്‍ കെ.പി.ഒ.എ ജില്ലാ സെക്രട്ടറി എം ബദറുദ്ദീന്‍ സ്വാഗതം പറഞ്ഞു. അഡീഷണല്‍ എസ്പി സോണി ഉമ്മന്‍കോശി മുഖ്യാതിഥിയായിരുന്ന ചടങ്ങില്‍ കൊല്ലം എ.സി.പി അഭിലാഷ് എ, കെ.പി.ഒ.എ ജില്ലാ പ്രസിഡന്‍റ് ആര്‍. ജയകുമാര്‍, കെ.പി.എ ജില്ലാ സെക്രട്ടറി ഷഹീര്‍, കെപിഒഎ സംസ്ഥാന നിര്‍വ്വാഹക സമിതി അംഗം കെ.സുനി, കെ.പി.ഒ.എ ജില്ലാ വൈസ് പ്രസിഡന്‍റ് ലാലു.പി എന്നിവര്‍ സന്നിഹിതരായിരുന്നു.
