Advertisement
കൊല്ലം.ക്ഷേത്രവഞ്ചി മോഷ്ടിച്ച പ്രതി പോലീസ് പിടിയില്‍. കാക്കത്തോപ്പ് സില്‍വി നിവാസില്‍ റിചിന്‍ (22) ആണ് കൊല്ലം ഈസ്റ്റ് പോലീസിന്‍റെ പിടിയിലായത്. കഴിഞ്ഞ 23 ന് രാത്രി മുണ്ടക്കല്‍ മഹാഗണപതി ക്ഷേത്രത്തിലെ വഞ്ചിയും പണവും മോഷണം പോയിരുന്നു. ഇതുമായി ബന്ധപ്പെട്ട് ക്ഷേത്രഭാരവാഹികള്‍ നല്‍കിയ പരാതിയുടെ അടിസ്ഥാനത്തില്‍ കൊല്ലം ഈസ്റ്റ് പോലീസ് നടത്തിയ അന്വേഷണത്തിലാണ് പ്രതി പിടിയിലായത്. സിസിടിവി ദൃശ്യങ്ങളുടേയും മറ്റ് സാഹചര്യ തെളിവുകളുടേയും അടിസ്ഥാനത്തില്‍ പോലീസ് മോഷ്ടാവിനെ തിരിച്ചറിഞ്ഞ് പിടികൂടുകയായിരുന്നു.
കൊല്ലം ഈസ്റ്റ് പോലീസ് ഇന്‍സ്പെക്ടര്‍ അനില്‍കുമാര്‍, എസ്.ഐ മാരായ രഞ്ജു, വിഷ്ണു എഎസ്ഐ മാരായ ജെയിംസ്, ഷാജി സിപിഓ ഷഫീക്ക് എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍റ് ചെയ്യ്തു.
Advertisement
