Advertisement
ശാസ്താംകോട്ട:മൈനാഗപ്പള്ളി കാളകുത്തുംപൊയ്കയിലെ കളള് ഷാപ്പിൽ മദ്യപന്മാർ തമ്മിലുണ്ടായ ഏറ്റുമുട്ടലിൽ തടസ്സം പിടിക്കാനെത്തിയ ഇടവനശ്ശേരി സ്വദേശിക്ക് കുത്തേറ്റു.ഇടവനശ്ശേരി പരിപ്പോലിൽത്തറ വടക്കതിൽ വീട്ടിൽ നൗഷാദിന് (52) ആണ് കുത്തേറ്റത്.കളള് കുപ്പി കൊണ്ടുള്ള അടിയേറ്റ് തല പൊട്ടുകയും ചെയ്തു.സംഭവവുമായി ബന്ധപ്പെട്ട് ശാസ്താംകോട്ട പോലീസ് കസ്റ്റഡിയിൽ എടുത്ത ഇടവനശ്ശേരി സ്വദേശി സബിത്ത് (28),പോരുവഴി സ്വദേശി ഷാനവാസ് (33) എന്നിവരെ കോടതിയിൽ ഹാജരാക്കി റിമാന്റ് ചെയ്തു.ശനിയാഴ്ച രാവിലെയാണ് സംഭവം.കുത്തേറ്റ നൗഷാദിന്റെ സുഹൃത്തായ നിഷാദുമായി സബിത്തിന്റെ സുഹൃത്ത് ശത്രുതയിലായിരുന്നു.
മദ്യപിക്കുന്നതിനിടെ മുൻവൈരാഗ്യത്തെ തുടർന്ന് സബിത്ത് നിഷാദിനെ ആക്രമിക്കുകയായിരുന്നു.ഈ സമയം തടസ്സം പിടിക്കാനെത്തിയ നൗഷാദിനെ പ്രതികൾ ആക്രമിക്കുക ആയിരുന്നുവെന്ന് പോലീസ് പറഞ്ഞു.
Advertisement
