കൊട്ടാരക്കര: കൊട്ടാരക്കര ഗാന്ധിമുക്കിൽ പോലീസ് ജീപ്പ്എതിർ ദിശയിൽ വന്ന വാഹനങ്ങളിലിടിക്കുകയും റോഡു സൈഡിലെ മതിലിടിച്ചു തകർക്കുകയും ചെയ്തു.പരിക്കേറ്റ പോലീസ് ജീപ്പിന്റെ ഡ്രൈവർ ഗിരീഷിനെ താലൂക്കാശുപത്രിയിൽ പ്രവേശിപ്പിച്ചു.
ഇന്നലെ വൈകിട്ട് 6 മണിയോടെ കൊട്ടാരക്കര – ഓയൂർ റൂട്ടിൽ ഗാന്ധി മുക്കിനു സമീപമായിരുന്നു അപകടം.തൃക്കണ്ണാ മംഗൽഭാഗത്തു നിന്നും കൊട്ടാരക്കരക്കു വന്ന പോലീസ് ജീപ്പാണ് അപകടത്തിൽ പെട്ടത്.. ആദ്യം രണ്ട് വാഹനങ്ങളിൽ ഇടിച്ചെങ്കിലും തലനാരിഴക്ക് രക്ഷപെടുകയായിരുന്നു. തുടർന്ന് എതിർ ദിശയിൽ വന്ന കേരളാ കോൺഗ്രസ് (ബി) നേതാവ് പ്രഭാകരൻ പിള്ളയുടെ കാറിലിടിച്ച ശേഷമാണ് റോഡു സൈഡിലുള്ള വീടിൻ്റെ മതിലിലിടിച്ചു നിന്നത്. മതിൽ തകർന്നിട്ടുണ്ട്.പോലീസ് കൺട്രോൾ റൂമിലെ ജീപ്പാണ് അപകടത്തിൽ പെട്ടത്. ഡ്രൈവർ ഗിരീഷിനെ കൂടാതെ മറ്റൊരു പോലീസ് ഉദ്യോഗസ്ഥനും ജീപ്പിലുണ്ടായിരുന്നു.ഇയാൾക്ക് പരിക്കില്ല.
