Advertisement
ചാത്തന്നൂര്‍: വേളമാനൂരില്‍ വീട്ടില്‍ നിന്നും റബ്ബര്‍ ഷീറ്റ് മോഷണം പോയതായി പരാതി. വേളമാനൂര്‍ ജനകീയ ആരോഗ്യകേന്ദ്രത്തിന് സമീപം ആര്‍.എസ്. ഭവനില്‍ വിമുക്തഭടനായ ജെ. രാജേന്ദ്രന്‍ നായരുടെ വീടിന്റെ മുകളില്‍ നിന്നുമാണ് ഇന്നലെ രാത്രിയില്‍ റബ്ബര്‍ ഷീറ്റ് മോഷണം പോയത്. ഉണങ്ങിയതും ഉണങ്ങാത്തതുമായ 240-ഓളം ഷീറ്റുകളും ഷീറ്റ് അടിക്കാന്‍ സൂക്ഷിച്ചു വച്ചിരുന്ന റബ്ബര്‍പാലും ഉള്‍പ്പടെയാണ് മോഷണം പോയത്. പാരിപ്പള്ളി പോലീസ് കേസെടുത്തു. ഇവിടങ്ങളില്‍ റബ്ബര്‍ ഷീറ്റ് അടിക്കടി മോഷണം പോകുന്നത് കര്‍ഷകരില്‍ ആശങ്ക ഉണ്ടാക്കിയിട്ടുണ്ട്.
Advertisement
