Advertisement
കൊട്ടാരക്കര: കൊട്ടാരക്കര എംസി റോഡില്‍ പോലീസ് ജീപ്പിനെ ഇടിച്ച ശേഷം നിര്‍ത്താതെ പോയ കെഎസ്ആര്‍ടിസി സൂപ്പര്‍ ഫാസ്റ്റ് ബസിനെ പിന്തുടര്‍ന്ന് പിടികൂടി. ബുധനാഴ്ച വൈകിട്ട് 5 മണിയോടെയായിരുന്നു സംഭവം. കൊട്ടാരക്കരയില്‍ നിന്ന് കോഴിക്കോട്ടേക്ക് സര്‍വ്വീസ് നടത്തുകയായിരുന്നു ബസ്. പുലമണ്‍ ഭാഗത്ത് നിര്‍ത്തിയിട്ടിരുന്ന പോലീസ് ജീപ്പിന്റെ പിറകിലെ സിഗ്‌നല്‍ ലൈറ്റില്‍ ഇടിച്ച ശേഷം ബസ് നിര്‍ത്താതെ പോവുകയായിരുന്നു. തുടര്‍ന്ന് അതേ പോലീസ് ജീപ്പുമായി ട്രാഫിക്ക് പോലീസുകാര്‍ ഒരു കിലോമീറ്റര്‍ അകലെയുള്ള കുന്നക്കര പെട്രോള്‍ പമ്പിന് സമീപത്ത് വച്ച് ബസ് പിടികൂടുകയായിരുന്നു. പോലീസ് ജീപ്പിന്റെ പിന്‍ ഭാഗത്തെ ലൈറ്റ് നന്നാക്കി നല്‍കാമെന്ന ഉറപ്പില്‍ ബസ് സര്‍വീസിനായി പോലീസ് വിട്ടുനല്‍കി.
Advertisement
