കരുനാഗപ്പള്ളി.ട്യൂഷന്‍ കഴിഞ്ഞ് വീട്ടിലേക്ക് മടങ്ങുകയായിരുന്ന പ്രായപൂര്‍ത്തിയാകാത്ത പെണ്‍കുട്ടിയെ കടന്ന് പിടിച്ച് മാനഹാനിപ്പെടുത്താന്‍ ശ്രമിച്ച പ്രതി പോലീസ് പിടിയിലായി. മുഴങ്ങോടി, കിടങ്ങല്ലൂര്‍ കൃഷ്ണകുമാര്‍ (36) ആണ് കരുനാഗപ്പള്ളി പോലീസിന്‍റെ പിടിയിലായത്. കഴിഞ്ഞ ദിവസം ട്യൂഷന്‍ കഴിഞ്ഞ് വൈകിട്ട് 6.15 മണിയോടെ വീട്ടിലേക്ക് മടങ്ങുകയായിരുന്ന കുട്ടിയെ തൊടിയൂര്‍ വില്ലേജ് ജംഗ്ഷന് സമീപം വച്ച് പ്രതി അന്യായമായി തടഞ്ഞ് നിര്‍ത്തി ശരീരത്ത് മോശമായവിധം കടന്ന് പിടിച്ച് മാനഹാനിപ്പെടുത്താന്‍ ശ്രമിക്കുകയായിരുന്നു.
തുടര്‍ന്ന് കുട്ടിയുടെ മൊഴിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്യ്ത കരുനാഗപ്പള്ളി പോലീസ് പ്രതിയെ അറസ്റ്റ് ചെയ്യുകയായിരുന്നു. കുട്ടിയുടെ സുഹൃത്തിന്‍റെ ബന്ധുവാണ് അറസ്റ്റിലായ കൃഷ്ണകുമാര്‍. കരുനാഗപ്പള്ളി പോലീസ് ഇന്‍സ്പെക്ടര്‍ ബിജുവിന്‍റെ നേതൃത്വത്തില്‍ എസ്.ഐ മാരായ സുജാതന്‍പിള്ള, ഷാജിമോന്‍, സി.പി.ഓ ഹാഷിം എന്നിവരടങ്ങിയ പോലീസ് സംഘമാണ് പ്രതികളെ അറസ്റ്റ് ചെയ്യ്തത്.
