കൊല്ലം. കേരള പോലീസ് ഓഫീസേഴ്സ് അസോസിയേഷന്‍ കൊല്ലം സിറ്റി ജില്ലാ കമ്മിറ്റിയുടെ നേതൃത്വത്തില്‍ നേത്ര പരിശോധന ക്യാമ്പ് സംഘടിപ്പിച്ചു. കൊല്ലം ജില്ലാ മെഡിക്കല്‍ ഓഫീസിന്‍റെ സഹകരണത്തോടെ ശനിയാഴ്ച്ച രാവിലെ 9.00 മണി മുതല്‍ ചാത്തന്നൂര്‍ പോലീസ് സ്റ്റേഷന്‍ കോമ്പൗണ്ടില്‍ വെച്ചാണ് നേത്ര പരിശോധന ക്യാമ്പ് സംഘടിപ്പിച്ചത്. കെ.പി.ഒ.എ ജില്ലാ കമ്മിറ്റിയുടെ നേതൃത്വത്തില്‍ നടന്ന ക്യാമ്പ് ചാത്തന്നൂര്‍ അസിസ്റ്റന്‍റ് കമ്മീഷണര്‍ ശ്രീ. ബി ഗോപകുമാര്‍ ഉദ്ഘാടനം ചെയ്തു.
കെ.പി.ഒ.എ ജില്ലാ പ്രസിഡന്‍റ് ശ്രീ. ആര്‍.ജയകുമാര്‍ അദ്ധ്യക്ഷനായ ചടങ്ങില്‍ ജില്ലാ സെക്രട്ടറി ശ്രീ. എം.ബദറുദ്ദീന്‍ സ്വാഗതം അറിയിച്ചു. ചടങ്ങില്‍ ഡോ. ഇന്ദു, ഡോ. അഞ്ജു ജയകുമാര്‍, കണ്ണനല്ലൂര്‍ ഇന്‍സ്പെക്ടര്‍ ജയകുമാര്‍, ചാത്തന്നൂര്‍ ഇന്‍സ്പെക്ടര്‍ ശിവകുമാര്‍ വി, സബ് ഇന്‍സ്പെക്ടര്‍ ആശ.വി.രേഖ എന്നിവര്‍ പങ്കെടുത്തു. കെ.പി.ഒ.എ ജോയിന്‍റ് സെക്രട്ടറി ജിജു.സി.നായര്‍ കൃതജ്ഞത രേഖപ്പെടുത്തി. പോലീസ് ഉദ്യോഗസ്ഥര്‍ക്കും കുടുംബാംഗങ്ങള്‍ക്കായി നടത്തിയ ക്യാമ്പില്‍ 100 ഓളം പേര്‍ പങ്കെടുത്തു.
