Advertisement
ശാസ്താംകോട്ട.ബാലവേദി ശൂരനാട് മണ്ഡലം നേതൃക്യാമ്പ് ജൂലൈ 2 ന് ആനയടിയിൽ നടക്കും. മണ്ഡലത്തിലെ പത്ത് മേഖലാ കമ്മിറ്റികളിൽ നിന്നായി നൂറ്റിയമ്പത് കുട്ടികൾ ക്യാമ്പിൽ പങ്കെടുക്കും. ക്യാമ്പിന്റെ വിജയത്തിനായി വിപുലമായ സംഘാടക സമിതി രൂപീകരിച്ചു.
ആനയടി അഡ്വ ജി ശശി ഫൗണ്ടേഷനിൽ നടന്ന സംഘാടക സമിതി രൂപീകരണ യോഗം സി പി ഐ സംസ്ഥാന കൗൺസിൽ അംഗം ആർ എസ് അനിൽ ഉദ്ഘാടനം ചെയ്തു. മണ്ഡലം രക്ഷാധികാര സമിതി കൺവീനർ മനു പോരുവഴി അധ്യക്ഷനായിരുന്നു. ആർ സുന്ദരേശൻ, എസ് അനിൽ, അനിതാ പ്രസാദ്, സി രാജേഷ് കുമാർ, ജിഷാകുമാരി എന്നിവർ സംസാരിച്ചു. ജെ അലക്സ് സ്വാഗതം ആശംസിച്ചു. ക്യാമ്പിന്റെ വിജയത്തിനായി 101 അംഗ സംഘാടക സമിതിയും ഭാരവാഹികളായി എസ് അനിൽ ( ചെയർമാൻ) അനിതാ പ്രസാദ്, സി രാജേഷ് കുമാർ (വൈസ് ചെയർമാൻ) ജെ അലക്സ് (കൺവീനർ) രാജൻ, എൻ ആദർശ് (ജോ കൺവീനർ) എന്നിവരെ തിരഞ്ഞെടുത്തു.
Advertisement
