Advertisement
പോരുവഴി . പോരുവഴി ഗവ. ഹയർ സെക്കൻഡറി സ്കൂൾ വളപ്പിൽ നിന്നും
കളഞ്ഞു കിട്ടിയ സ്വർണ ചെയിൻ പ്രഥമാധ്യാപിക ബിന്ദുവിന് കൈമാറി വിദ്യാർത്ഥികൾ മാതൃകയായി. വിദ്യാർത്ഥികളായ ഡൊമിനിക് എബ്രഹാം,സന്ദീപ്.എസ് എന്നിവർക്കാണ് സ്വർണ ചെയിൻ കളഞ്ഞു കിട്ടിയത്. മറ്റാരോടും പറയാതെ ഇവർ ഓഫീസിലെത്തി കളഞ്ഞു കിട്ടിയ ആഭരണം പ്രഥമാധ്യാപികയെ ഏൽപ്പിക്കുകയായിരുന്നു.
ക്ലാസ്സുകളിൽ വിവരം അറിയിച്ചതിനെ തുടർന്ന് ഇന്ന്(വെള്ളി) ഉടമസ്ഥയായ ഇതേ സ്കൂളിലെ ഒൻപതാം ക്ലാസ് വിദ്യാർത്ഥിനി അടയാള സഹിതം നേരിട്ടെത്തി ആഭരണം ഏറ്റുവാങ്ങി. കളഞ്ഞു കിട്ടിയ സ്വർണം ഓഫീസിൽ ഏൽപ്പിച്ച് മാതൃകയായ വിദ്യാർത്ഥികളെ പിടിഎ പ്രസിഡന്റ് അർത്തിയിൽ സമീർ,എക്സിക്യൂട്ടീവ് കമ്മിറ്റി അംഗം നാസർ മൂലത്തറയിൽ, എച്ച്.എം ബിന്ദു എന്നിവർ ചേർന്ന് അനുമോദിച്ചു.
Advertisement
