കരുനാഗപ്പള്ളി . കരുനാഗപ്പള്ളി ബോയ്സ് ഹയർസെക്കൻഡറി ആൻഡ് ഗേൾസ് ഹൈസ്കൂൾ മാനേജിംഗ് കമ്മിറ്റിയുടെ നേതൃത്വത്തിൽ പ്രതിഭാ സംഗമവും ആദരവും സംഘടിപ്പിച്ചു. എ എം ആരിഫ് എം പി ഉദ്ഘാടനം ചെയ്തു. സി ആർ മഹേഷ് എംഎൽഎ അധ്യക്ഷനായി. ജില്ലാ പഞ്ചായത്ത് പ്രസിഡൻ്റ് ഡോ പി കെ ഗോപൻ മുഖ്യപ്രഭാഷണം നടത്തി. സ്കൂൾ മാനേജർ വി രാജൻ പിള്ള സ്വാഗതം പറഞ്ഞു.
കേരള സർവകലാശാലയിൽ നിന്നും സംഗീതത്തിൽ ഡോക്ടറേറ്റ് നേടിയ സ്കൂൾ അധ്യാപിക പാർവതി, എസ്എസ്എൽസി, പ്ലസ് ടു, ഹയർ സെക്കൻഡറി പരീക്ഷകളിൽ എല്ലാ വിഷയങ്ങൾക്കും എ പ്ലസ് വാങ്ങിയ വിദ്യാർഥികൾ എന്നിവരെ ചടങ്ങിൽ ആദരിച്ചു. മുൻ എംഎൽഎ ആർ രാമചന്ദ്രൻ, നഗരസഭാ ചെയർമാൻ കോട്ടയിൽ രാജു, വൈസ് ചെയർപേഴ്സൺ സുനിമോൾ, നഗരസഭാ സ്ഥിരം സമിതി അധ്യക്ഷരായ എൽ ശ്രീലത, ഡോ പി മീന, ബ്ലോക്ക് പഞ്ചായത്ത് പ്രസിഡൻ്റ് ദീപ്തി രവീന്ദ്രൻ, തൊടിയൂർ ഗ്രാമപഞ്ചായത്ത് പ്രസിഡൻ്റ് ബിന്ദു രാമചന്ദ്രൻ, എഇഒ ശ്രീജ ഗോപിനാഥ്, വി പി ജയപ്രകാശ് മേനോൻ, അനിൽ ആർ പാലവിള, അഡ്വ വിപിൻ ,പ്രിൻസിപ്പൽ വീണാറാണി, ഹെഡ്മിസ്ട്രസ് മാരായ പി രശ്മിദേവി, കെജി അമ്പിളി തുടങ്ങിയവർ സംസാരിച്ചു.
