Advertisement
അഞ്ചൽ :അഞ്ചൽ ബൈപാസിൽ വീണ്ടും അപകട മരണം.പെരുമണ്ണൂർ പ്രജിൻ നിവാസിൽ റിട്ട. മിലിറ്ററി ഉദ്യോഗസ്ഥനായ
പ്രസാദ് (59) ആണ് മരിച്ചത്.
അഞ്ചൽ കോളറ പാലത്തിന് സമീപം ഇന്നലെ രാവിലെ ഒമ്പതര മണിയോടെയാണ് സംഭവം. പ്രസാദും ഭാര്യയും സഞ്ചരിച്ച ബൈക്കിൽ ആയൂർ ഭാഗത്തു നിന്നും വന്ന മിനി ബസ് ഇടിക്കുകയായിരുന്നു. ഗുരുതരമായി പരിക്കേറ്റ ഇരുവരേയും അഞ്ചലിലെ സ്വകാര്യ ആശുപത്രിയിലെത്തിച്ചുവെങ്കിലും പ്രസാദ് മരിച്ചു. ഭാര്യ ശ്രീലത അപകട നില തരണം ചെയ്തിട്ടില്ല. അഞ്ചൽ പൊലീസ് എത്തി മേൽ നടപടിയെടുത്തു. അപകടത്തിന് കാരണമായ മിനി ബസ് പൊലീസ് കസ്റ്റഡിയിലെടുത്തു. പ്രസാദിൻ്റെ മൃതദേഹം പാരിപ്പള്ളി മെഡിക്കൽ കോളേജാശുപത്രിയിൽ പോസ്റ്റ്മോർട്ടം നടത്തിയ ശേഷം ബന്ധുക്കൾക്ക് വിട്ടുനൽകി. മക്കൾ: പ്രജിത്, പ്രജിത. മരുമകൻ: ശ്രീജിത്ത് (മിലിട്ടറി).
Advertisement
