ശാസ്താംകോട്ട. വേങ്ങ വിദ്യാരംഭം സെൻട്രൽ സ്കൂളിൽ സ്കൂൾ പാർലമെന്റിലേക്ക് വാശിയേറിയ തെരഞ്ഞെടുപ്പ് നടന്നു.ജനാധിപത്യ പ്രക്രിയയിൽ തെരഞ്ഞെടുപ്പിനുള്ള പ്രാധാന്യവും, പ്രത്യേകതയും കുട്ടികൾക്ക് തിരിച്ചറിവേകാൻ ഇത് ഉപകാരപ്രദമായി.നാലാം ക്ലാസ്സുമുതൽ പത്താം ക്ലാസ്സുവരെയുള്ള അറുനൂറോളം വിദ്യാർഥികൾ സമ്മതിദാനാവകാശം രേഖപ്പെടുത്തി.
സ്കൂൾ ഹെഡ് ബോയ്‌യായി അർജുൻ കൃഷ്ണയെയും, ഹെഡ്‌ഗേൾ ആയി പൂജയെയും,ആർട്സ് സെക്രട്ടറിയായി അനുഷ്കയെയും,സ്പോർട്സ് സെക്രട്ടറിയായി ആകർഷ് ബിജുവിനെയും തെരഞ്ഞെടുത്തു. ഗീതു മുകേഷ്, ശ്രീലക്ഷ്മി എന്നിവർ മുഖ്യ വരണാധികാരികൾ ആയിരുന്നു. തെരഞ്ഞെടുപ്പു പ്രക്രിയകൾക്ക് സ്കൂൾ മാനേജർ വിദ്യാരംഭം ജയകുമാർ,പ്രിൻസിപ്പൽ എസ്.മഹേശ്വരി,സീനിയർ പ്രിൻസിപ്പൽ ടി.കെ. രവീന്ദ്രനാഥ്,വൈസ് പ്രിൻസിപ്പൽ ജെ.യാസിർ ഖാൻ,അക്കാഡമിക് കോർഡിനേറ്റർ അഞ്ജനി തിലകം,സ്റ്റാഫ് സെക്രട്ടറി ദീപ,അധ്യാപക പ്രതിനിധികളായ സാലിം, സന്ദീപ്,സുബി തുടങ്ങിയവർ നേതൃത്വം നൽകി.
