Advertisement
ഓയൂര്‍: ആളില്ലാത്ത വീട് കുത്തിത്തുറന്ന് മോഷണം. അമ്പലംകുന്ന്, നെട്ടയം പ്രശാന്തി ഭവനത്തില്‍ റിട്ട. ഹോമിയോ ഡോക്ടര്‍ സരളാകുമാരിയുടെ വീട്ടിലായിരുന്നു മോഷണം. വീടിന്റെ മുന്‍വാതില്‍ കുത്തിത്തുറന്ന് അകത്ത് കടന്ന മോഷ്ടാവ് ഡിജിറ്റല്‍ ക്യാമറ, ബൈനോക്കുലര്‍, കൂളിംഗ് ഗ്ലാസ്, കശുവണ്ടിപ്പരിപ്പ് എന്നിവയാണ് മോഷ്ടിച്ചത്.
കഴിഞ്ഞ ദിവസം ഡോക്ടറുടെ വീട്ടില്‍ മറ്റാരുമില്ലാത്തതിനാല്‍ ഡോക്ടര്‍ സമീപത്തെ ബന്ധുവിന്റെ വീട്ടിലാണ് രാത്രിയില്‍ ഉറങ്ങിയത്. രാവിലെ 6 മണിയോടെ വീട്ടിലെത്തിയപ്പോഴാണ് വാതില്‍ തുറന്ന നിലയില്‍ കണ്ടെത്തിയത്. തുടര്‍ന്ന് നടത്തിയ പരിശോധനയില്‍ മോഷണം നടന്ന വിവരം അറിഞ്ഞത്. പൂയപ്പള്ളി പോലീസില്‍ നല്‍കിയ പരാതിയുടെ അടിസ്ഥാനത്തില്‍ എസ്‌ഐ അഭിലാഷിന്റെനേതൃത്വത്തിലുള്ള പോലീസ് സംഘംസ്ഥലത്തെത്തി തെളിവെടുപ്പ് നടത്തി അന്വേഷണം ആരംഭിച്ചു.
Advertisement
