ശാസ്താംകോട്ട:ശാസ്താംകോട്ട പോലീസ് സ്റ്റേഷനിലെ പുസ്തക അലമാരയിലേക്ക് പുസ്തകങ്ങൾ നൽകി ജെ.സി.ഐ.വായന ദിനത്തിൽ ജെ.സി.ഐ സ്റ്റേഷനിൽ പുസ്തക അലമാര സമ്മാനിച്ചിരുന്നു.എന്നാൽ അലമാരയിൽ പുസ്തകങ്ങളുടെ കുറവ് ബോധ്യപെട്ട ജെ.സി.ഐ അംഗം കൃഷ്ണകുമാർ.ആർ 50 പുസ്തകങ്ങൾ അലമാരയിലേക്ക് സംഭാവന ചെയ്യുകയായിരുന്നു.
പോലീസ് സ്റ്റേഷനിൽ വിവിധ ആവശ്യങ്ങൾക്കായി എത്തുന്ന പൊതുജനങ്ങൾക്ക് കാത്തിരിപ്പിന്റെ വിരസതയും,മാനസിക പിരിമുറുക്കം കുറയ്ക്കുന്നതിനും പുസ്തക അലമാര പ്രയോജനം ചെയ്യുമെന്ന് പുസ്തകങ്ങൾ ഏറ്റുവാങ്ങി ഉദ്ഘാടനം നിർവഹിച്ചു കൊണ്ട് ജില്ലാ പഞ്ചായത്ത് പ്രസിഡന്റ് പി. കെ ഗോപൻ അഭിപ്രായപ്പെട്ടു.ഡിവൈഎസ്പി എസ്.ഷെരീഫ് മുഖ്യ പ്രഭാഷണം നടത്തി.എസ്.ദിലീപ് കുമാർ അധ്യക്ഷത വഹിച്ചു.എസ്.ഐ ഷാനവാസ്‌,രാജ്‌കുമാർ,എ.എസ്.ഐ. ഷാജഹാൻ,ജനമൈത്രി ബീറ്റ് പോലീസ് ഓഫീസർ ഷോബിൻ വിൻസെന്റ്,അജിത്‌ കുമാർ, എ.ഷാനവാസ്‌ എന്നിവർ സംസാരിച്ചു.
