ശാസ്താംകോട്ട- അമ്പലത്തും ഭാഗം, പള്ളിമുറി, കൊച്ചുതുണ്ടിൽ പടിഞ്ഞാറെ പുര, ഷംസുദ്ദീന്റെ ഉടമസ്ഥതയിലുള്ള ഒരു വയസ്സ് പ്രായമുള്ള പശുവാണ് 50 അടി താഴ്ച്ചയിൽ ഉള്ള കിണറ്റിൽ വീണത്.ഇന്ന് രാവിലെ എട്ടുമണിക്ക് ആയിരുന്നു സംഭവം. മേയാൻ വിട്ടിരുന്ന പശു ഷംസുദ്ദീന്റെ കുടുംബവീട്ടിലെ കുടിവെള്ളത്തിനു വേണ്ടി ഉപയോഗിക്കുന്ന കിണറ്റിൽ വീഴുകയായിരുന്നു. നാട്ടുകാർ ശാസ്താംകോട്ട ഫയർഫോഴ്സിനെ അറിയിക്കുകയും വിവരമറിഞ്ഞ് സ്റ്റേഷൻ ഓഫീസർ ജയചന്ദ്രന്റെ നേതൃത്വത്തിൽ ഫയർഫോഴ്സ് എത്തി ഫയർ ആൻഡ് റെസ്ക്യൂ ഓഫീസർമാരായ മനോജ്, സണ്ണി എന്നിവർ കിണറ്റിൽ ഇറങ്ങി ഹോസിന്റെയും റോപ്പിന്റെയും സഹായത്താൽ പശുവിനെ അതിസാഹസികമായി സുരക്ഷിതത്വത്തോടുകൂടി കരയിലെത്തിച്ചു. ഗ്രേഡ് എ.എസ്. ടി.ഒ സജീവ് കുമാർ, ഫയർ ആൻഡ് റെസ്ക് ഓഫീസർ ഷിനു,ഫയർ ആൻഡ് റസ്ക്യൂ ഓഫീസർ ഡ്രൈവർ രാജീവ്,ഹോം ഗാർഡ് ശ്രീകുമാർ എന്നിവർ രക്ഷാപ്രവർത്തനത്തിൽ പങ്കെടുത്തു
