കൊല്ലം. അയല്‍വാസിയായ സ്ത്രീക്ക് ഫോണില്‍ മെസ്സേജ് അയച്ചു എന്ന് ആരോപിച്ച് സംഘംചേര്‍ന്ന് യുവാവിനെ ആക്രമിച്ച് മാരകമായി പരിക്കേല്‍പ്പിച്ച പ്രതികള്‍ പോലീസ് പിടിയിലായി. അയത്തില്‍ ശാന്തിനഗര്‍, പന്തപ്ലവിള, നവാസ്(43), അയത്തില്‍ ശാന്തിനഗര്‍, സക്കീര്‍ ഹുസൈന്‍(52) എന്നിവരാണ് ഇരവിപുരം പോലീസിന്‍റെ പിടിയിലായത്.
അയത്തില്‍ സ്വദേശിയായ സിറാജ്ദീന്‍ നെ ആണ് പ്രതികള്‍ നിയമം കൈയിലെടുത്ത് ആള്‍ക്കുട്ട മര്‍ദ്ദനത്തിനിരയാക്കിയത്. പിടിയിലായ രണ്ടുപേര്‍ ഉള്‍പ്പെടെ അഞ്ചുപേര്‍ ചേര്‍ന്ന് കഴിഞ്ഞ 18 ന് അയത്തില്‍ ജംഗ്ഷന് സമീപം സിറാജ്ദീനെ തടഞ്ഞു നിര്‍ത്തി മാരകമായി മര്‍ദ്ദിക്കുകയായിരുന്നു. മര്‍ദ്ദനത്തില്‍ ഇയാളുടെ നട്ടെല്ലിന് സാരമായ പരിക്കേറ്റു. യുവാവിന്‍റെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത ഇരവിപുരം പോലീസ് പ്രതികളായ നവാസിനെയും സക്കീര്‍ ഹുസൈനയും പിടികൂടുകയായിരുന്നു. ഒളിവില്‍ പോയ മറ്റുപ്രതികളെയും ഉടന്‍ പിടികുടുമെന്ന് ഇരവിപുരം പോലീസ് അറിയിച്ചു. കൊല്ലം എസിപി അഭിലാഷിന്‍റെ നിര്‍ദ്ദേശാനുസരണം ഇരവിപുരം പോലീസ് സ്റ്റേഷന്‍ എസ്.ഐ മാരായ ജയേഷ്, അനീഷ്, എ.എസ്.ഐ നൗഷാദ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
