Advertisement
പുനലൂർ : ട്രെയിനിൽ കടത്തിക്കൊണ്ടുവന്ന രണ്ട് കിലോയോളം കഞ്ചാവുമായി മൂന്ന് യുവാക്കളെ പോലീസ് പിടികൂടി. പുനലൂർ റെയിൽവേ സ്റ്റേഷന് സമീപത്തു നിന്നും തിങ്കളാഴ്ച പുലർച്ചെ മൂന്നുമണിയോടെ ആണ്പുനലൂർ സ്വദേശികളായ ഷാൻ, പൊന്നുമോൻ, ആഷിഖ് എന്നിവരെ കഞ്ചാവുമായി പിടികൂടിയത്. ഒറീസയിൽ നിന്നും കടത്തിക്കൊണ്ടുവന്ന കഞ്ചാവ് കേരളത്തിൽ എത്തിച്ച് കൊല്ലത്തേക്ക് കൊണ്ടുവരുകയായിരുന്നു എന്നാണ് വിവരം. സ്കൂളുകളും മറ്റും കേന്ദ്രീകരിച്ച് ചെറുകിട കച്ചവടം നടത്തുന്നതിനാണ് ഇവർ കഞ്ചാവ് കൊണ്ടുവന്നത്. പുലർച്ചെ കൊല്ലത്തു നിന്നും പുനലൂരേക്ക് വരുന്ന പാലരുവി എക്സ്പ്രസിൽ ആണ് ഇവർ കഞ്ചാവ് കൊണ്ടുവന്നത്.എസ്പിയുടെ സ്പെഷ്യൽ സ്ക്വാഡും,പുനലൂർ പോലീസും ചേർന്നാണ് പ്രതികളെ പിടികൂടിയത്.കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Advertisement
