Advertisement
കൊട്ടാരക്കര: കുളക്കട പഞ്ചായത്തിൽ കലയപുരം വാർഡ് അംഗം സിപിഐയിലെ സജി കടുക്കാല പ്രസിഡന്റും പൂവറ്റൂർ കിഴക്ക് വാർഡ് അംഗം സിപിഐ (എം)-ലെ പി.ബി. ബീന വൈസ് പ്രസിഡന്റുമായി തെരഞ്ഞെടുത്തു. എൽഡിഎഫ് ധാരണ പ്രകാരം സിപിഎമ്മിലെ പി. ടി. ഇന്ദുകുമാറും സിപിഐയിലെ കവിത ഗോപകുമാറും രാജിവെച്ച ഒഴിവിലാണ് തെര‍ഞ്ഞെടുപ്പ് നടന്നത്. . സജി കടുക്കാലയ്ക്ക് 11 വോട്ടും ബിജെപി സ്ഥാനാർത്ഥി ഹരികൃഷ്ണന് 4 വോട്ടും,
യുഡിഎഫ് സ്ഥാനാർത്ഥി മഠത്തിനാപ്പുഴ അജയന് 3 വോട്ടും ലഭിച്ചു. വൈസ് പ്രസിഡന്റായ മഞ്ജുവിന് 11 വോട്ടും എതിർ സ്ഥാനാർത്ഥി ബിജെപിയിലെ സന്ധ്യ. എസ്.നായർക്ക് 4 വോട്ടും ലഭിച്ചു. വനിത അംഗമില്ലാത്തതിനാൽ യുഡിഎഫ് വൈസ് പ്രസിഡന്റ് സ്ഥാനത്തേക്ക് മത്സരിച്ചില്ല.
Advertisement
