ഓയൂർ: വെളിനല്ലൂരിൽ യുവാവിനെ വീട്ടിൽ കയറി അതിക്രൂരമായി മർദ്ദിച്ചവശനാക്കി വെട്ടിപ്പരിക്കേൽപ്പിച്ച കൗമാരക്കാരൻ ഉൾപ്പെടെയുള്ള നാൽവർ സംഘം അസ്റ്റിൽ . ശനി രാത്രി 12.30 നായിരുന്നു സംഭവം. വെളിനല്ലൂർ വട്ടപ്പാറ, പുല്ലാഞ്ഞി പച്ച മംഗലത്ത് മേലതിൽ വീട്ടിൽ നിസാമി( 33 )നെയാണ് വെട്ടിപരിക്കേൽപ്പിച്ചത്. സംഭവവുമായി ബന്ധപ്പെട്ട് ആറ്റൂർക്കോണം അനീഷ് വിലാസത്തിൽ അനീഷ് ( 43 ), വെളിനല്ലൂർ വട്ടപ്പാറ കുരീക്കാട് വീട്ടിൽ ഇർഫാൻ ( 19 ), റോഡുവിള നൗഫൽ മൻസിലിൽ നാദിർഷ ( 20 ), വട്ടപ്പാറ സ്വദേശിയായ 16 കാരനെയുമാണ് പൂയപ്പള്ളി പോലീസ് അറസ്റ്റ് ചെയ്തത്. കരിങ്ങന്നൂർ കോടാലി മുക്കിൽ ചായക്കട നടത്തുന്ന സ്ത്രീയുടെ കടയിലെത്തി നിസാം ഒരു കവർ ചോദിച്ചു. കവർഇല്ലഎന്ന് പറഞ്ഞതിനെത്തുടർന്ന് ഇരുവരും തമ്മിൽ വാക്കേറ്റമുണ്ടായിരുന്നു. ഈ സംഭവത്തിന്റെ തുടർച്ചയായാണ് കട ഉടമയുടെ ബന്ധുവും സുഹൃത്തുക്കളും ശനിയാഴ്ച രാത്രി 12 .30 ന് നിസാമിന്റെ വീട്ടിലെത്തി ഉള്ളിൽ കടന്ന് നിസാമിനെ വീട്ടിൽ നിന്നും പിടിച്ചിറക്കി അതിക്രൂരമായി മർദ്ദിക്കുകയും വാളുപയോഗിച്ച്തലക്ക് വെട്ടുകയുമായിരുന്നു. അതീവ ഗുരുതരമായി പരിക്കേറ്റനിസാം ആശുപത്രിയിൽ ചികിത്സയിലാണ്. പൂയപ്പള്ളി സിഐ ബിജുവിന്റെ നിർദ്ദേശപ്രകാരം എസ് ഐ അഭിലാഷ് എ എസ് ഐ ചന്ദ്രകുമാർ , എസ് സി പി ഒ മാരായ റിജു, ബിജീഷ്, അൻവർ എന്നിവരടങ്ങുന്ന പോലീസ് സംഘമാണ് പ്രതികളെ അറസ്റ്റ് ചെയ്തത്.
