ആയൂർ . നടുറോഡിൽ സ്വകാര്യബസുകളുടെ ഗുണ്ടാവിളയാട്ടം. കൊല്ലം ആയൂർ ടൗണിലാണ് സംഭവം.സമയത്തെ ചൊല്ലിയുള്ള തർക്കമാണ് നടുറോഡിലുള്ള അടിപിടിയിൽ എത്തിയത്.അപകടകരമായ രീതിയിൽ വാഹനം ഓടിച്ച ഡ്രൈവറുടെ ലൈസൻസ് റദ്ദ് ചെയ്ത് മോട്ടോർ വാഹന വകുപ്പ്.
പുനലൂർ – ആറ്റിങ്ങൽ റൂട്ടിൽ ഓടുന്ന ഡ്രീംസ് എന്ന സ്വകാര്യ ബസ്സാണ് റോഡ് സുരക്ഷ നിയമങ്ങൾ മറികടന്ന് ഡിവൈഡറിനു മറുവശത്തുകൂടി അമിത വേഗതയിലെത്തി അഞ്ചൽ – ഓയൂർ റൂട്ടിലോടുന്ന നബീലെന്ന ബസിനെ മറികടന്നത്.ശേഷമുണ്ടായത് വാക്കേറ്റവുംസംഘർഷവും. ബസുകാരുടെ തമ്മിത്തല്ല് ഒടുവിൽ പ്രധാന പാതയിൽ ഗതാഗതക്കുരുക്കിന് ഇടയാക്കി.
സമയത്തെ ചൊല്ലി തുടങ്ങിയ തർക്കമാണ് ഈ ഗുണ്ടായിസത്തിലേക്ക് നയിച്ചത്.പൊതുജനങ്ങൾക്ക് അടക്കം ഏറെ നേരം തമ്മിൽ തല്ലു കാരണം നടു റോഡിൽ പെട്ടു. ഒടുവിൽ നാട്ടുകാർ ഇടപെട്ട് ബസ്സുകൾ എടുത്തുമാറ്റുകയായിരുന്നു. സംഭവത്തിന്റെ ദൃശ്യം മോട്ടോർ വാഹനവകുപ്പിന്റെ വാട്സപ്പ് നമ്പറിലേക്കു നാട്ടുകാർ അയച്ചുകൊടുത്തതോടെയാണ് പണി പാളിയത്. ട്രാൻസ്പോർട്ട് കമ്മിഷണറുടെ നിർദേശ പ്രകാരം
മോട്ടോർ വാഹനവകുപ്പ് വീഡിയോ പരിശോധിക്കുകയും നടപടി എടുക്കുകയും ചെയ്തു.
ഡ്രൈവറുടെ ലൈസൻസ് റദ്ദ് ചെയ്തു. സംഭവത്തിൽ കൂടുതൽ നടപടിയ്ക്ക് ഒരുങ്ങുകയാണ് മോട്ടർ വാഹന വകുപ്പ്. നടുറോഡിലെ അടിപിടിയ്ക്ക് ചടയമംഗലം പോലീസും കേസെടുത്തിട്ടുണ്ട്.
