ഓയൂര്‍: ഓയൂര്‍, ചുങ്കത്തറയില്‍ വാഹനാപകടത്തില്‍ പ്ലസ് ടു വിദ്യാര്‍ഥി മരിച്ചു. കൊല്ലം എസ്എന്‍ പബ്ലിക് സ്‌കൂളിലെ പ്ലസ് വണ്‍ വിദ്യാര്‍ത്ഥി ഓയൂര്‍, ചുങ്കത്തറ ചുങ്കത്ത് ഹൗസില്‍ ഷജീബ് ഖാന്‍-ഷബാന ദമ്പതികളുടെ മകന്‍ സീഷാന്‍ (19) ആണ് മരിച്ചത്. ഇന്ന് ഒന്നരയോടെയാണ് അപകടം നടന്നത്. പ്രവാസി മലയാളിയായ ഷജീബ് തന്റെ ഓയൂര്‍ ജംഗ്ഷനിലുള്ള കടയില്‍ ബാങ്കിന്റെ എടിഎം കൗണ്ടര്‍ ജോലിയുമായി ബന്ധപ്പെട്ട് രാത്രിയില്‍ കടയിലായിരുന്നു. ഷജീബിനെ തിരക്കി കാറില്‍ കടയിലെത്തിയ സീഷാന്‍ ഷജീബിനെ കണ്ട് വീട്ടിലേക്ക് മടങ്ങിപ്പോകുന്നതിനിടയിലാണ് അപകടമുണ്ടായത്. സീഷാന്‍ ഓടിച്ച കാര്‍ നിയന്ത്രണംവിട്ട തലകീഴായി മറിയുകയായിരുന്നു. ഉടന്‍ തന്നെ നാട്ടുകാര്‍ കാര്‍ വെട്ടിപ്പൊളിച്ച് സീഷാനെ പുറത്തെടുത്ത് മീയ്യണ്ണൂരിലെ സ്വകാര്യ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പൂയപ്പള്ളി പോലീസ് മേല്‍ നടപടികള്‍ സ്വീകരിച്ച് മൃതദേഹം ബന്ധുക്കള്‍ക്ക് വിട്ടുകൊടുത്തു. സംസ്‌കാരം നടത്തി. സഹോദരി: സെഹ.
