കൊട്ടാരക്കര: റൂറല്‍ ജില്ലാ പോലീസ് സ്‌പോര്‍ട്‌സ് മീറ്റ് കൊട്ടാരക്കര ഗവ.ഹയര്‍സെക്കണ്ടറി സ്‌കൂളില്‍ തുടങ്ങി. ധനകാര്യമന്ത്രി കെ.എന്‍. ബാലഗോപാല്‍ മീറ്റ് ഉദ്ഘാടനം ചെയ്തു. റൂറല്‍ എസ്പി എം.എല്‍. സുനില്‍ അധ്യക്ഷനായി. അഡീഷണല്‍ എസ്പി ആര്‍. പ്രതാപന്‍നായര്‍ സ്വാഗതം പറഞ്ഞു. മുന്‍സിപ്പല്‍ ചെയര്‍മാന്‍ എസ്.ആര്‍. രമേശ്, ഡിവൈഎസ്പിമാരായ ജി.ഡി. വിജയകുമാര്‍, ബി. വിനോദ്, എസ്. ഷെരീഫ്, കേരള പോലീസ് ഓഫീസേഴ്‌സ് അസോസിയേഷന്‍ റൂറല്‍ ജില്ലാ പ്രസിഡന്റ് ജയകൃഷ്ണന്‍, കേരള പൊലീസ് അസോസിയേഷന്‍ റൂറല്‍ ജില്ലാ പ്രസിഡന്റ് എസ്. ശിവേഷ് തുടങ്ങിയവര്‍ സംസാരിച്ചു. മീറ്റ് ഇന്ന് സമാപിക്കും. സമാപന സമ്മേളനം വൈകിട്ട് 4ന് കെ ബി ഗണേശ്കുമാര്‍ ഉദ്ഘാടനം ചെയ്യും. തിരുവനന്തപുരം റേഞ്ച് ഡിഐജി ആര്‍. നിശാന്തിനി മുഖ്യപ്രഭാഷണം നടത്തും. റൂറല്‍ ജില്ലയിലെ വിവിധ സ്റ്റേഷനുകളില്‍ നിന്നായി 34 ഇനങ്ങളിലായി 200ലധികം പുരുഷ, വനിത കായിക താരങ്ങള്‍ പങ്കെടുക്കുന്നുണ്ട്.
