കൊല്ലം: വീട്ടില്‍ അതിക്രമിച്ച് കയറി യുവതിയെ പീഡിപ്പിച്ച് ഗര്‍ഭിണിയാക്കിയ പ്രതിയെ കിളികൊല്ലൂര്‍ പോലീസ് അറസ്റ്റ് ചെയ്തു. ചാത്തിനാംകുളം വയലില്‍ പുത്തന്‍ വീട്ടില്‍ വിജയന്‍ (61) ആണ് പോലീസ് പിടിയിലായത്. പെണ്‍കുട്ടിയുടെ വീടുമായുള്ള പരിചയം മുതലെ
ടുത്ത് പ്രതി നാല് മാസം മുമ്പ് വീട്ടില്‍ മറ്റാരുമില്ലാതിരുന്ന സമയം നോക്കി അതിക്രമിച്ച് കയറി ബലം പ്രയോഗിച്ച് യുവതിയെ ലൈംഗികമായി പീഡിപ്പിച്ച ശേഷം വിവരം പുറത്ത് പറയരുതെന്ന് ഭീഷണിപ്പെടുത്തുകയായിരുന്നു. പിന്നീട് യുവതിക്ക് ശാരീരിക അസ്വസ്ഥതകള്‍
അനുഭവപ്പെട്ടതിനെ തുടര്‍ന്നാണ് ഗര്‍ഭിണിയാണെന്ന വിവരം പുറത്തറിയുന്നത്. തുടര്‍ന്ന് യുവതിയുടെ പരാതിയെ തുടര്‍ന്ന് പ്രതിയെ ചോദ്യം ചെയ്യ്‌തെങ്കിലും പ്രതി കുറ്റം നിഷേധിക്കുകയായിരുന്നു. ഇതിനെ തുടര്‍ന്ന് ഡിഎന്‍എ പരിശോധന നടത്തിയാണ് വിജയന്‍ തന്നെ
യാണ് പ്രതി എന്ന് പോലീസ് ഉറപ്പിച്ചത്. കിളികൊല്ലൂര്‍ സ്റ്റേഷന്‍ ഇന്‍സ്‌പെക്ടര്‍ ഗിരീഷിന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
