Advertisement
കിഴക്കേ കല്ലട: വിലപ്പനയ്ക്കായി കൊണ്ടുവന്ന നാലര കിലോ കഞ്ചാവുമായി മധ്യവയസ്‌കനെ ഈസ്റ്റ് കല്ലട പോലീസും കൊല്ലം റൂറല്‍ ഡാന്‍സാഫ് ടീമും ചേര്‍ന്ന് അറസ്റ്റ് ചെയ്തു. തിരുവനന്തപുരം അമ്പൂരി, നെടുമ്പന റോഡരികത്ത് പുത്തന്‍വീട്ടില്‍ സത്യന്‍ (47) ആണ് അറസ്റ്റിലായത്. ഇന്നലെ ഉച്ചയ്ക്ക് രണ്ടു മണിയോടെ ഈസ്റ്റ് കല്ലട പോലീസ് സ്റ്റേഷന് സമീപം വച്ചാണ് കൊല്ലം-ചെങ്ങന്നൂര്‍ കെഎസ്ആര്‍ടിസി ബസില്‍ യാത്ര ചെയ്ത സത്യനെ കഞ്ചാവുമായി ഈസ്റ്റ് കല്ലട പോലീസ് അറസ്റ്റ് ചെയ്യുകയായിരുന്നു. ഇയാള്‍ മുന്‍പും നിരവധി കഞ്ചാവ് കേസുകളിലും മറ്റു കേസുകളിലും പ്രതിയാണ്. കൊല്ലം ശാസ്താംകോട്ട ഡിവൈഎസ്പി ഷെറീഫിന്റെ നേതൃത്വത്തില്‍ ഈസ്റ്റ് കല്ലട സിഐ സുധീഷ് കുമാര്‍, എസ്‌ഐമാരായ പ്രദീപ്, ഷാജഹാന്‍ ഉള്‍പ്പെടെയുള്ളവര്‍ ചേര്‍ന്നാണ് പ്രതിയെ പിടികൂടിയത്.
Advertisement
