Advertisement
ശാസ്താംകോട്ട . എസ്എൻഡിപി യോഗം കുന്നത്തൂർ യൂണിയനിൽ ശ്രീനാരായണ ഗുരുദേവന്റെ 96-ാമത് മഹാസമാധിദിനാചരണത്തിന്റെ ഭാഗമായി യൂണിയൻ ആസ്ഥാനത്തും 37 ശാഖാ യോഗങ്ങളിലും പൂജയും പ്രാത്ഥനയും നടത്തി.യൂണിയന്റെ നേതൃത്വത്തിൽ രാവിലെ ഗുരുപൂജയും പ്രാത്ഥനയും നടന്നു.യൂണിയൻ പ്രസിഡന്റ് ആർ.ശ്രീകുമാർ ഉദ്ഘാടനം ചെയ്തു.സെക്രട്ടറി റാം മനോജ്,യോഗം ഡയറക്ടർ ബോർഡ് മെമ്പർ വി.ബേബി കുമാർ,കൗൺസിലർമാരായ അഡ്വ.സുഭാഷ് ചന്ദ്രബാബു,നെടിയവിള സജീവൻ,തഴവാവിള ദിവാകരൻ, യൂണിയൻ പഞ്ചായത്തു കമ്മിറ്റി അംഗങ്ങളായ ആർ.സുഗതൻ, രഞ്ജിത്ത് എന്നിവർ പങ്കെടുത്തു.യൂണിയന്റെ പരിധിയിലുള്ള 37 ശാഖകളിലും യൂണിയൻ ഭാരവാഹികളുടെയും കൗൺസിലിന്റെയും പഞ്ചായത്തു കമ്മിറ്റി അംഗങ്ങളുടെയും നേതൃത്വത്തിൽ സന്ദർശനം നടത്തി.
Advertisement
