Advertisement
കൊല്ലം എക്‌സൈസ് നടത്തിയ റെയ്ഡില്‍ നിരോധിത പുകയില ഉല്‍പ്പന്നങ്ങള്‍ പിടികൂടി. സംഭവവുമായി ബന്ധപ്പെട്ട് കൊല്ലം, മംഗലത്ത് നഗര്‍ 37-ല്‍ ശോഭിത എന്ന വാടകവീട്ടില്‍ താമസിക്കുന്ന കൊല്ലം കിളികൊല്ലൂര്‍ മുജീബ് മന്‍സിലില്‍ ഷാജഹാന്‍ (42)എന്നയാളെ എക്‌സൈസ് സംഘം പിടികൂടി. 10 ലക്ഷം രൂപയോളം വരുന്ന 40 ചാക്കുകളിലായി സൂക്ഷിച്ചിരുന്ന 880 കിലോ പുകയില ഉല്‍പ്പന്നങ്ങളാണ് പിടികൂടിയത്.
തമിഴ്‌നാട്ടില്‍ നിന്നും പച്ചക്കറി വണ്ടികളിലാണ് പുകയില ഉല്‍പ്പന്നങ്ങള്‍ കടത്തിക്കൊണ്ട് വന്നത്. പുന്തലത്താഴം, അയത്തില്‍, കിളികൊല്ലൂര്‍ ഭാഗങ്ങളില്‍ ഹോള്‍സെയില്‍ വില്‍പ്പനയ്ക്കായി കൊണ്ടുവന്നതാണ് പിടിച്ചെടുത്ത പുകയില ഉല്‍പ്പന്നങ്ങള്‍. അനന്തര നടപടികള്‍ ഇരവിപുരം പോലീസ് എത്തി സ്വീകരിച്ചു.
Advertisement
