Advertisement
തേവലക്കര: അനധികൃതമായി വിദേശമദ്യം കൈവശം വച്ചതിനും വിറ്റതിനും ഒരാൾ അറസ്റ്റിൽ. തേവലക്കര അരിനെല്ലൂർ കണിച്ചുകുളത്ത് കൃഷ്ണൻ കുട്ടി(38)യാണ് പിടിയിലായത് .
ഇയാളുടെ കൂട്ടാളി തേവലക്കര പാരയിൽ വീട്ടിൽ ശ്രീകുമാർ എന്നയാളിനെ രണ്ടാം പ്രതിയാക്കി കേസെടുത്തു, ഇയാൾ ഓടി രക്ഷപ്പെട്ടതിനാൽ അറസ്റ്റ് ചെയ്യാനായില്ല. ഇരുവരുടെയും പക്കൽ നിന്ന് ഒമ്പതര ലിറ്റർ വിദേശമദ്യം പിടികൂടിയതായി എക്സൈസ് അധികൃതർ അറിയിച്ചു.
കരുനാഗപ്പള്ളി എക്സൈസ് സർക്കിൾ ഓഫീസിലെ പ്രിവൻ്റീവ് ഓഫീസർ എ. അജിത് കുമാറിന്റെ നേതൃത്വത്തിൽ നടത്തിയ റെയ്ഡിൽ പ്രിവന്റീവ് ഓഫീസർ എബിമോൻ കെ വി, സിവിൽ എക്സൈസ് ഓഫീസർമാരായ ആർ അഖിൽ, എസ് അൻഷാദ് എസ് അനിൽകുമാർ , എന്നിവർ പങ്കെടുത്തു.
Advertisement
