കൊട്ടാരക്കര: കൊട്ടാരക്കരയിലെ പുതിയ വിദ്യാഭ്യാസ സമുച്ചയത്തിന്റെ നിര്‍മ്മാണ ഉദ്ഘാടനം മന്ത്രി വി.ശിവന്‍കുട്ടി നിര്‍വ്വഹിച്ചു. ധനകാര്യ മന്ത്രി കെ.എന്‍.ബാലഗോപാല്‍ അദ്ധ്യക്ഷനായ ചടങ്ങില്‍ നഗരസഭ ചെയര്‍മാന്‍ എസ്.ആര്‍. രമേശ്, ബ്ലോക്ക് പഞ്ചായത്ത് പ്രസിഡന്റുമാരായ എ. അഭിലാഷ്, ഹര്‍ഷകുമാര്‍, നഗരസഭ വൈസ് ചെയര്‍മാന്‍ വനജ രാജീവ്, ഡിവിഷന്‍ കൗണ്‍സിലര്‍ അരുണ്‍ കാടംകുളം, ജില്ലാ വിദ്യാഭ്യാസ ഓഫീസര്‍ ഷീലകുമാരിയമ്മ.പി.ആര്‍, ഡെപ്യൂട്ടി വിദ്യാഭ്യാസ ഡയറക്ടര്‍ അനിതകുമാരി.എ. കെ, ഡയറ്റ് പ്രിന്‍സിപ്പല്‍ ഷീജ. എസ് തുടങ്ങിയവര്‍ പങ്കെടുത്തു.
മൂന്ന് നിലകളിലായി രൂപകല്‍പ്പന ചെയ്തിട്ടുള്ള വിദ്യാഭ്യാസ സമുച്ചയത്തിന്റെ ആദ്യഘട്ടത്തില്‍ രണ്ട് നിലകളുടെ നിര്‍മ്മാണമാണ് നടക്കുന്നത്. ജില്ലാ വിദ്യാഭ്യാസ ഓഫീസ്, ജില്ല വിദ്യാഭ്യാസ പരിശീലന കേന്ദ്രം (ഡയറ്റ്) എന്നീ സ്ഥാപനങ്ങള്‍ക്ക് വേണ്ടിയുള്ള സൗകര്യങ്ങളോടെയാണ് പുതിയ വിദ്യാഭ്യാസ സമുച്ചയം നിര്‍മ്മിക്കുന്നത്.
