ശാസ്താംകോട്ട . പടിഞ്ഞാറെ കല്ലട കാക്കത്തോപ്പിന് സമീപം വിദേശ മദ്യവിൽപ്പന നടത്തി വന്ന പിതാവും മകനും ഉൾപ്പെടെ 3 പേർ അറസ്റ്റിൽ.പടിഞ്ഞാറെ കല്ലട കണത്താർകുന്നം നന്ദു ഭവനത്തിൽ ഉദയൻ(49),മകൻ നന്ദു (26),വിളന്തറ അജയ ഭവനത്തിൽ അനീഷ്(29) എന്നിവരെയാണ് കഴിഞ്ഞ ദിവസം രാത്രിയിൽ ശാസ്താംകോട്ട ഡിവൈഎസ്പിയ്ക്ക് ലഭിച്ച വിവരത്തിന്റെ അടിസ്ഥാനത്തിൽ പോലീസ് ആസൂത്രിതമായി
പിടികൂടിയത്.ഇവരിൽ നിന്നും 5 ലിറ്റർ വിദേശ മദ്യവും പിടികൂടി.കാക്കത്തോപ്പിന് സമീപമുള്ള ഇവരുടെ വീടിനോട് ചേർന്നുള്ള ഷെഡിലായിരുന്നു മദ്യ കച്ചവടം.ഇവിടുത്തെ മദ്യ കച്ചവടത്തിനെതിരെ വ്യാപകമായ പരാതി ഉയർന്നിരുന്നങ്കിലും പോലീസോ എക്സൈസോ എത്തുമ്പോൾ ഇവർ രക്ഷപ്പെടുകയായിരുന്നു പതിവ്.ഒന്നാം പ്രതി ഉദയനെ മദ്യവിൽപ്പനയുമായി ബന്ധപ്പെട്ട് മുൻപ് രണ്ട് തവണ എക്സൈസ് പിടികൂടുകയും ജയിൽ ശിക്ഷ അനുഭവിക്കുകയും ചെയ്തിട്ടുള്ളതാണ്.എസ്ഐ മാരായ ഷാനവാസ്,ഹരി,എഎസ്ഐ ശ്രീകുമാർ,സിപിഒ
അഭിലാഷ്,അരുൺ,അസ്കർ എന്നിവരടങ്ങുന്ന സംഘമാണ് പ്രതികളെ പിടികൂടിയത്.കോടതിയിൽ ഹാജരാക്കി റിമാന്റ് ചെയ്തു.
