ശാസ്താംകോട്ട : അന്‍വാര്‍ശേരിയിലെ 36-ാമത് വാര്‍ഷിക സനദ് ദാന സമ്മേളനത്തിന്റെ നാലാം ദിവസമായ ഇന്നലെ അല്‍ഹാഫിസ് മുഹമ്മദ് ശാഫി അമാനിയുടെ അദ്ധ്യക്ഷതയില്‍ നടന്നു. അജ്‌വ സംസ്ഥാന വര്‍ക്കിംഗ് പ്രസിഡന്റ് . പി.എം.എസ്.എ ആറ്റക്കോയ തങ്ങള്‍ പ്രാഥമിക പ്രര്‍ത്ഥനയും ഉദ്ഘാടനവും നിര്‍വഹിച്ച സമ്മേളനത്തില്‍ പ്രസിദ്ധ മത പണ്ഡിതനായ സിംസാറുല്‍ ഹഖ് ഹുദവി മത പ്രഭാഷണം നടത്തി.
സമാപനദിവസമായ ഇന്ന് രാവിലെ 10 ന് നടക്കുന്ന വിദ്യാര്‍ത്ഥി യുവജന സമ്മേളനം ഗ്രാന്റ് മാസ്റ്റര്‍ ഡോ. ജി.എസ്. പ്രദീപ് ഉദ്ഘാടനം ചെയ്തു. മുഹമ്മദ് ശമീം അമാനി ആറ്റിങ്ങല്‍ അദ്ധ്യക്ഷത വഹിച്ചു.
ഉച്ചക്ക് 2.30ന് നടക്കുന്ന മനുഷ്യാവകാശ സംഗമം ധനകാര്യ വകുപ്പ് മന്ത്രി കെ.എന്‍ ബാലഗോപാല്‍ ഉദ്ഘാടനം ചെയ്യും. കോടിക്കുന്നില്‍ സുരേഷ് എം.പി അദ്ധ്യക്ഷത വഹിക്കുന്ന സമ്മേളനത്തില്‍ മന്ത്രി അഹ്‌മദ് ദേവര്‍കോവില്‍, കെ.സി വേണുഗോപാല്‍ എം.പി, എന്‍.കെ. പ്രേമചന്ദ്രന്‍ എം.പി, എ.എം.ആരിഫ് എം.പി, ബിഷപ് ഗീവര്‍ഗ്ഗീസ് മാര്‍ കൂറിലോസ്, സ്വാമി ഗുരു രത്‌നം ജ്ഞാനതപസ്സി, കടക്കല്‍ അബ്ദുല്‍ അസീസ് മൗലവി, പി.എം,എ സലാം, കോവൂര്‍ കുഞ്ഞുമോന്‍ എം.എല്‍.എ, എ.പി.അനില്‍ കുമാര്‍ എം.എല്‍.എ, സി.ആര്‍.മഹേഷ് എം.എല്‍.എ, ജി.എസ്.ജയലാല്‍ എം.എല്‍.എ, സുജിത്ത് വിജയന്‍ പിള്ള എം.എല്‍.എ, മുന്‍ എം.പി. ഡോ.സെബാസ്റ്റിയന്‍ പോള്‍, മുന്‍ മന്ത്രി നീലലോഹിതദാസന്‍ നാടാര്‍, ഡോ.പി.കെ ഗോപന്‍, മൈലക്കാട് ഷ തുടങ്ങി രാഷ്ട്രീയ സാമൂഹിക സാംസ്‌കാരിക രംഗത്തെ പ്രമുഖര്‍ പങ്കെടുക്കും.
വെകിട്ട് 7.00 മണിക്ക് നടക്കുന്ന സനദ് ദാന സമ്മേളനംഅസ്സയ്യിദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
കെ.പി അബൂബക്കര്‍ ഹസ്‌റത്ത് അദ്ധ്യക്ഷത വഹിക്കുന്ന സമ്മേളനത്തില്‍ .ശൈഖുനാ എ.പി.അബൂബക്കര്‍ മുസ്‌ലിയാര്‍ അനുഗ്രഹ പ്രഭാഷണവും മൗലാനാ നജീബ് മൗലവി മമ്പാട്, അബ്ദുല്‍ ഹമീദ് ഹസ്‌റത്ത് വെല്ലൂര്‍, എന്നിവര്‍ സനദ് ദാനവും പ്രഭാഷണവും നടത്തും. സ്ഥാനവസ്ത്ര വിതരണം അബ്ദുല്‍ ഹമീദ് ബാഖവിയും ഹാഫിസ് മുഹമ്മദ് ശാഫി അമാനിയും നിര്‍വ്വഹിക്കും. ഹാഫിസ് അഹ്‌മദ് കബീര്‍ അമാനി മുഖ്യപ്രഭാഷണം നടത്തുന്ന സദസ്സില്‍ ഷിബു അൂബൂബക്കര്‍ മംഗലാപുരം ഉപഹാരം സമര്‍പ്പണവും നിര്‍വ്വഹിക്കും.
ശൈഖുനാ അറക്കല്‍ ബീരാന്‍കുട്ടി മുസ്ലിയാരുടെ നേതൃത്തില്‍ നടക്കുന്ന ദുആ മജ്‌ലിസോട്കൂടി അഞ്ച് ദിവസത്തെ സമ്മേളനത്തന് പര്യവസാനം കുറിക്കും.
