Advertisement
വിദ്യാർഥിനിയെ ഉപദ്രവിച്ച സ്കൂൾ ബസ് ഡ്രൈവറെ പത്തനാപുരം പോലീസ് അറസ്റ്റ് ചെയ്തു. പത്തനാപുരം പാടം പടയണിപ്പാറ പുത്തൻവിള വീട്ടിൽ സുജീന്ദ്രൻ (43) ആണ് അറസ്റ്റിലായത്. ഒമ്പതാം ക്ലാസ് വിദ്യാർത്ഥിനിയായ പെൺകുട്ടി സ്ഥിരമായി സഞ്ചരിക്കുന്ന സ്കൂൾ ബസ്സിലെ ഡ്രൈവറാണ് പ്രതി. കുട്ടി സ്കൂൾ അധികൃതരോട് പരാതിപ്പെട്ടതിനെ തുടർന്ന് കേസെടുത്ത പത്തനാപുരം പോലീസ് തിങ്കളാഴ്ച പുലർച്ചെ പാടം വനമേഖലയിൽ നിന്നും പ്രതിയെ പിടികൂടുകയായിരുന്നു. പത്തനാപുരം ഇൻസ്പെക്ടർ ജയകൃഷ്ണൻറെ നിർദ്ദേശാനുസരണം എസ് ഐ ശരലാൽ, ക്രൈം എസ് ഐ സുനിൽകുമാർ, സിവിൽ പോലീസ് ഓഫീസർമാരായ സുരേഷ്, വിനോദ്, അനൂപ് എന്നിവർ അടങ്ങിയ പോലീസ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Advertisement
