Advertisement
കുണ്ടറ: വില്‍പനയ്ക്കായി എത്തിച്ച 18 ഗ്രാം എം.ഡി.എം.എ.യുമായി അഞ്ചുപേരെ കുണ്ടറ പോലിസ് സംഘം അറസ്റ്റ് ചെയ്തു. കുണ്ടറ അംബിപൊയ്ക ഷംനാദ് മന്‍സിലില്‍ (നെടിയിലപ്പുര മേലതില്‍) സല്‍മാന്‍ ഫാരിസി (21), ചന്ദനത്തോപ്പ് ചാത്തിനാംകുളം ചരുവിള കാഷ്യു ഫാക്ടറിക്ക് സമീപം എസ്.എസ്.മന്‍സിലില്‍ സെയ്ദലി (22), കരിക്കോട് ചെറുവള്ളി വീട്ടില്‍ വിഷ്ണു (27), അഷ്ടമുടി എന്‍.എന്‍.ഹൗസില്‍ നിയാസ്, കരിക്കോട് തടവിള വീട്ടില്‍ അന്‍സാര്‍ (32) എന്നിവരായാണ് അറസ്റ്റ് ചെയ്തത്.
പോലിസിന് ലഭിച്ച രഹസ്യ വിവരത്തെ തുടര്‍ന്ന് കഴിഞ്ഞ ദിവസം വൈകിട്ട് 5 മണിക്ക് സല്‍മാന്‍ ഫാരിസിന്റെ വീട് വളഞ്ഞാണ് പ്രതികളെ പിടികൂടിയത്.
Advertisement
