ശാസ്താംകോട്ട:പാതയോരത്ത് പാർക്ക് ചെയ്തിരുന്ന
ബൈക്കിന് പിന്നിൽ മുച്ചക്ര സ്കൂട്ടർ ഇടിച്ച് പരിക്കേറ്റ് ചികിത്സയിലായിരുന്ന ഭിന്നശേഷി വിഭാ ഗ്രത്തിൽ പെട്ട യുവാവ് മരിച്ചു.കുന്നത്തൂർ തുരുത്തിക്കര കൊല്ലാറ ചരുവിൽ വീട്ടിൽ അനിൽ കുമാർ(40) ആണ് മരിച്ചത്.ഞായറാഴ്ച വൈകിട്ട് 3.30 കഴിഞ്ഞ് മണ്ണെണ്ണ മുക്കിന് സമീപത്തായിരുന്നു അപകടം നടന്നത്. അനിൽ ഓടിച്ചു വരുന്നതിനിടെ നിയന്ത്രണം വിട്ട മുച്ചക്ര സ്കൂട്ടർ ബൈക്കിന് പിന്നിൽ ഇടിച്ച് കയറുകയായിരുന്നു.ഉടൻ തന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.ഇവിടെ വച്ച് ഇന്ന്(ബുധൻ) രാവിലെയാണ് മരണം സംഭവിച്ചത്.തലയ്ക്കേറ്റ ആഴത്തിലുള്ള മുറിവാണ് മരണകാരണമായത്.ഭരണിക്കാവ് കളേഴ്സ് ഫ്ലക്സിൽ ഡിസൈനറായി
ജോലി ചെയ്തു വരികയായിരുന്നു.യൂത്ത് കോൺഗ്രസ് ശാസ്താംകോട്ട മണ്ഡലം സെക്രട്ടറിയായിരുന്നു.
അവിവാഹിതനാണ്.ഇന്ന് വസതിയിലെ പൊതു ദർശനത്തിനു ശേഷം വ്യാഴം രാവിലെ 10 ന് തിരുവല്ല പ്രത്യക്ഷ രക്ഷാ സൈന്യം ചർച്ച് സെമിത്തേരിയിൽ സംസ്കാരം നടക്കും.
