കൊല്ലം. യുവാവിനെ ആക്രമിച്ച് മാരകമായി പരിക്കേല്‍പ്പിച്ച പ്രതി പിടിയില്‍
സുഹൃത്തിനെ ആക്രമിച്ചത് ചോദ്യം ചെയ്ത യുവാവിനെ മാരകമായിപ്പരിക്കേല്‍പ്പിച്ച പ്രതി പോലീസ് പിടിയില്‍. അയത്തില്‍ ജി.വി നഗറില്‍ ഇടത്തോപ്പ് വയലില്‍ പുത്തന്‍വീട്ടില്‍ മെഹബൂബ്(37) ആണ് ഇരവിപുരം പോലീസിന്റെ പിടിയിലായത്. കഴിഞ്ഞ ദിവസം വൈകിട്ട് ആരതി ജംഗ്ഷനില്‍ വച്ച് മെഹബൂബ് നാസറിനെ ആക്രമിച്ചു. ഇത് കണ്ട് തടയാനായി വന്ന നാസറിന്റെ സുഹൃത്ത് ആകാശിനെ പ്രതി ആക്രമിക്കുകയും സിമിന്റ് കട്ട കൊണ്ട് തലക്കടിക്കുകയുമായിരുന്നു. തലക്ക് ഗുരുതരമായി പരിക്കേറ്റ ആകാംശ് തിരുവനന്തപുരം മെഡിക്കല്‍കോളേജില്‍ തീവ്രപരിചരണ വിഭാഗത്തില്‍ ചികില്‍സയിലാണ്.
ആകാശിന്റെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത ഇരവിപുരം പോലീസ് പ്രതിയെ അറസ്റ്റ് ചെയ്യുകയായിരുന്നു. ഇരവിപുരം പോലീസ് ഇന്‍സ്‌പെക്ടര്‍ രാജിവിന്റെ നേതൃത്വത്തില്‍ എസ്.ഐ മാരായ ജയേഷ്, മധുസൂധനന്‍ എന്നിവരടങ്ങിയ പോലീസ് സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു
