Advertisement
കരുനാഗപ്പള്ളി സൈക്കിള്‍ മുക്കിന് സമീപം മത്സ്യവ്യാപാരത്തെ ചൊല്ലിയുണ്ടായ തര്‍ക്കത്തില്‍ മധ്യവയസ്‌ക്കനായ മത്സ്യവ്യാപാരിയെ ആക്രമിച്ച് പരിക്കേല്‍പ്പിച്ച പ്രതി അറസ്റ്റിലായി. തൊടിയൂര്‍ നാദിര്‍ഷാ മന്‍സിലില്‍ നൗഷാദ്(50) ആണ് കരുനാഗപ്പള്ളി പോലീസിന്റെ പിടിയിലായത്. ഇയാള്‍ മത്സ്യവ്യാപാരം നടത്തി വന്ന കരുനാഗപ്പള്ളി സൈക്കിള്‍ മുക്ക് ഭാഗത്ത് തൊടിയൂര്‍ സ്വദേശിയായ ഷിഹാബ് മത്സ്യവ്യാപാരം ആരംഭിച്ചതിനെ തുടര്‍ന്നുണ്ടായ തര്‍ക്കമാണ് അക്രമത്തില്‍ കലാശിച്ചത്.
കരുനാഗപ്പള്ളി പോലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തില്‍ പ്രതിയെ അറസ്റ്റ് ചെയ്യുകയായിരുന്നു. കരുനാഗപ്പള്ളി പോലീസ് സ്റ്റേഷന്‍ ഇന്‍സ്‌പെക്ടര്‍ ബിജുവിന്റെ നേതൃത്വത്തില്‍ എസ്‌ഐമാരായ ഷമീര്‍, ഷാജിമോന്‍, ശര ത്ചന്ദ്രന്‍ എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്.
Advertisement
