Advertisement
കരുനാഗപ്പള്ളി . ഓച്ചിറ ബ്ലോക്ക് കേരളോത്സവത്തിന് തുടക്കമായി. വള്ളിക്കാവ് അമൃത എൻജിനീയറിങ് കോളേജ് ഗ്രൗണ്ടിൽ നടന്ന സമ്മേളനം ജില്ലാ പഞ്ചായത്ത് വൈസ് പ്രസിഡൻ്റ് ശ്രീജ ഹരീഷ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡൻ്റ് ദീപ്തി രവീന്ദ്രൻ അധ്യക്ഷയായി. സ്ഥിരം സമിതി അധ്യക്ഷ സുൽഫിയ ഷെറിൻ സ്വാഗതം പറഞ്ഞു. ജില്ലാ പഞ്ചായത്ത് സ്ഥിരം സമിതി അധ്യക്ഷ വസന്ത രമേശ്, ക്ലാപ്പന ഗ്രാമപഞ്ചായത്ത് പ്രസിഡൻ്റ് മിനിമോൾ, പി പ്രസന്ന, ബിന്ദു, എസ് ഷൈനി ബീഗം, ബ്ലോക്ക് പഞ്ചായത്ത് വൈസ് പ്രസിഡൻ്റ് സുരേഷ് താനുവേലിൽ ബിഡിഒ സക്കീർ ഹുസൈൻ, ബ്ലോക്ക് പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു. തുടർന്ന് എൻജിനീയറിങ് കോളേജ് ഗ്രൗണ്ടിൽ വിവിധ കായിക മത്സരങ്ങൾ അരങ്ങേറി. കേരളോത്സവം 28ന് സമാപിക്കും.
Advertisement
