ശാസ്താംകോട്ട : ബസ്സുകളിൽ സഞ്ചരിച്ച് തന്ത്രപരമായി സ്ത്രീകളുടെ സ്വർണ മാലകൾ മോഷണം നടത്തി വന്ന രണ്ട് നാടോടി യുവതികൾ പിടിയിൽ.തൂത്തുക്കുടി കോവിൽപ്പെട്ടി കാലതി സ്ട്രീറ്റിൽ പ്രിയ(24),ശക്തി (34) എന്നിവരെയാണ് ശാസ്താംകോട്ട പോലീസ് അറസ്റ്റ് ചെയ്തത്.
കഴിഞ്ഞ 17ന് കോവൂർ സ്വദേശിനി,മനക്കര സ്വദേശികളായ രണ്ട് വീട്ടമ്മമാർ എന്നിവരുടെ മാലകൾ മോഷണം പോയിരുന്നു.ബസുകളിൽ സ്ഥിരമായി സഞ്ചരിച്ച് യാത്രക്കാർ ഇറങ്ങുമ്പോൾ ഉണ്ടാകുന്ന തിരക്ക് മുതലെടുത്താണ് മാല പൊട്ടിച്ചെടുത്തിരുന്നത്.ഈ സമയം ഇവർ ധരിക്കുന്ന ഷാൾ ഉപയോഗിച്ച് കൈ മറച്ചിരിക്കും.മറ്റ് യാത്രക്കാരുടെ ശ്രദ്ധയിൽപ്പെടാതിരിക്കാനാണ് ഇങ്ങനെ ചെയ്യുന്നത്.പരാതിയെ തുടർന്ന് വനിതാ പോലീസിന്റെ സഹായത്തോടെ പ്രത്യേക സ്ക്വാഡ് രൂപീകരിച്ച് മഫ്ടിയിൽ നടത്തിയ നിരീക്ഷണത്തിന് ഒടുവിലാണ് പ്രതികൾ പിടിയിലായത്.കോടതിയിൽ ഹാജരാക്കി റിമാന്റ് ചെയ്തു.സിഐ ശ്രീജിത്ത്,എസ്ഐ ഷാനവാസ്,എഎസ്ഐ ശ്രീകുമാർ,വനിതാ സിപിഒ മഞ്ജു എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
