Advertisement
കുണ്ടറ: കേരളത്തിലുടനീളം വിവിധ തരത്തിലുള്ള തട്ടിപ്പ് നടത്തിവന്നിരുന്ന കോപ്യാരി ഷിബു എന്ന് വിളിക്കപ്പെടുന്ന ഷിബു.എസ്. നായര്‍ (46) അറസ്റ്റില്‍. കുണ്ടറ പോലീസ് സ്റ്റേഷനില്‍ പരിധിയില്‍ വൃദ്ധയായ സ്ത്രീയെ പറഞ്ഞ കബളിപ്പിച്ച് സ്വര്‍ണാഭരണം തട്ടിയ കേസിലാണ് തിരുവനന്തപുരം നെയ്യാറ്റിന്‍കര കാഞ്ഞിരകുളം പണ്ടാരവിള കനാല്‍ കോട്ടേജില്‍ ഷിബു.എസ്. നായര്‍ അറസ്റ്റിലായത്. വിധവകള്‍ക്കുള്ള ധനസഹായം ലഭ്യമാക്കാം എന്നും ഇതിന് രജിസ്‌ട്രേഷനായി പണമടയ്ക്കണമെന്നും മറ്റും പറഞ്ഞ് വൃദ്ധയായ സ്ത്രീയുടെ കൈയിലുണ്ടായിരുന്ന സ്വര്‍ണവള കൈവശപ്പെടുത്തിയതിന് കുണ്ടറ പോലീസ് സ്റ്റേഷനില്‍ രജിസ്റ്റര്‍ ചെയ്ത കേസിലാണ് അറസ്റ്റ്. മുപ്പതിലധികം ക്രിമിനല്‍ കേസുകളില്‍ പ്രതിയായ ഇയാളെ നാടകീയ നീക്കത്തിലൂടെയാണ് പോലീസ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Advertisement
