കരുനാഗപ്പള്ളി. ഉപജില്ല സ്കൂൾ കലോത്സവത്തിന് തൊടിയൂർ ജി.എച്ച്.എസ്.എസിൽ കൊടിയേറി.
ഉദ്ഘാടന സമ്മേളനം സി ആര്‍ മഹേഷ് എംഎല്‍എ നിർവഹിച്ചു. ഗ്രാമപഞ്ചായത്ത് പ്രസിഡന്റ് ബിന്ദു രാമചന്ദ്രൻ അദ്ധ്യക്ഷത വഹിച്ച യോഗത്തിൽ എഇഒ ശ്രീമതി. ശ്രീജാ ഗോപിനാഥ് സ്വാഗതം പറഞ്ഞു. പ്രശസ്ത സിനിമ – സീരിയൽ ആർട്ടിസ്റ്റ് പ്രമീൽ സിദ്ധാർത്ഥ് കലാദീപം തെളിയിച്ചു.
മുനിസിപ്പൽ ചെയർമാൻ കോട്ടയിൽ രാജു ഓച്ചിറ ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ റ്റി രാജീവ്, വസന്താ രമേശ് , ബ്ലോക്ക് പഞ്ചായത്തംഗം സുനിത അശോക്‌,തൊടിയൂർ ഗ്രാമ പഞ്ചായത്ത് വൈസ് പ്രസിഡന്റ് സലിം മണ്ണേൽ , ഗ്രാമ പഞ്ചായത്ത് സ്ഥിരം സമിതി അധ്യക്ഷരായ ഷബ്ന ജാവേദ് , സി.ഒ കണ്ണൻ, ഗ്രാമപഞ്ചായത്ത് അംഗം കെ ധർമ്മദാസ് ,പി.ടി.എ പ്രസിഡന്റ് ജി. അജിത് കുമാർ ,എസ്എംസി ചെയർമാൻ ഉണ്ണികൃഷ്ണ പിള്ള ,പ്രിൻസിപ്പൽ ജി.പ്രദീപ് കുമാർ, ഹെഡ്മിസ്ട്രസ് സുസ്മി എസ് എന്നിവർ ആശംസകൾ അർപ്പിച്ചു. യോഗത്തിൽ സ്വീകരണ കമ്മറ്റി കൺവീനർ സലാം. എ നന്ദി രേഖപ്പെടുത്തി. നാലു ദിവസം നീണ്ടു നിൽക്കുന്ന കലോത്സവം നവംബർ 2 ന് സമാപിക്കും.
